Türkiyədə narko-mafiya tərəfindən girov götürülərək, işgəcələrə məruz qalan tələbə azad olunub. 
Qaynarinfo-nun məlumatına görə, hadisə Zonquldaq vilayətində baş verib. Zonquldaq Bülent Ecevit Universitetinin tələbəsi olan Əli Safa K. adlı azərbaycanlı tələbə özü də istəmədən narkotik vasitələrin satışı ilə məşğul olan qruplaşmanın üzvünə çevirilib. Sonradan şantaj yolu ilə dəstədə saxlanılıb və 1.5 ay ərzində işgəcələrə məruz qalıb.
Bu işgəcələrdən yaxa qurtarmaq üçün Əli Safa adlı gənc qruplaşmaya aid tapançanı bilərəkdən Zonquldaq Bülent Ecevit Universitetinin yataqxanasında gizlədib. Həmin silah polis tərəfindən ələ keçirilib və bundan sonra Əli Safa K. saxlanılıb. 
Polis tərəfindən saxlanılan azərbaycanlı gənc narkotik vasitələrin satışı ilə məşğul olan qruplaşma haqqında məlumat verib. Polisin keçirdiyi əməliyyat zamanı qruplaşma üzvü olan Ayhan Küçükdere, oğlu Səməd Küçükdere (24) və Mehmet Can Arslaner (25) həbs edilib. 
3 nəfərin ifadəsindən sonra H.C. (35) və F.O. (35) polis nəzarəti altında sərbəst buraxılıb.