Saç tökülürsə, nə etmək lazımdır?

Saç tökülməsi həm qadınlarda, həm də kişilərdə tez-tez rastlanan bir problemdir. Normalda insan gün ərzində 50–100 tel saç itirə bilər. Lakin bu miqdar daha çox olduqda və saçlar seyrəlməyə başladıqda artıq tədbir görmək lazımdır.

Qlobal.net bildirir ki, saç tökülməsi müvəqqəti də ola bilər, davamlı hal aldıqda isə müxtəlif sağlamlıq və həyat tərzi faktorları rol oynaya bilər.

Saç tökülməsinin səbəbləri

Saç tökülməsinin müxtəlif səbəbləri ola bilər:

Stress və psixoloji gərginlik

Hormon pozğunluqları (xüsusilə qalxanabənzər vəz xəstəlikləri)

A, B, D, E vitaminləri, sink və dəmir çatışmazlığı

Hamiləlik və doğuşdan sonrakı dövr

Genetik amillər

Kəskin və tez arıqlama

Qanazlığı

Saçlara kimyəvi müdaxilələr (boya, keratin, fen, ütü)

Uyğunsuz şampun və məhsullar

Dəridə göbələk və ya dermatit xəstəlikləri

Saç tökülməsini azaltmaq üçün nə etmək lazımdır?

1. Qidalanmanı yaxşılaşdırın

Saçın möhkəmliyi və sağlamlığı üçün düzgün qidalanma çox önəmlidir. Rasionunuzda aşağıdakılar olmalıdır:

Yumurtа, balıq, toyuq (protein mənbəyi)

Qoz, badam, kətan toxumu (omega yağları)

Göyərtilər və tərəvəzlər

Qoşa buğda, avokado, kişmiş

Dəmir və sinklə zəngin qidalar (qaraciyər, lobya, ispanaq)

2. Vitamin və mineral dəstəyi

Həkim məsləhəti ilə aşağıdakı analizləri vermək faydalıdır:

Ferritin (dəmir ehtiyatı)

Vitamin D

B12 vitamini

Qalxanabənzər vəz hormonları (TSH, T3, T4)

Əskiklik olduqda müvafiq vitamin və mineral dəstəyi qəbul etmək saçın bərpasına kömək edəcək.

3. Stressi idarə edin

Meditasiya, idman, təmiz havada gəzinti və normal yuxu rejimi saçların bərpasını sürətləndirir.

4. Saç baxımına diqqət

Agressiv kimyəvi prosedurlar (qaraldıcı, keratin, tez-tez rəngləmə) məhdudlaşdırılmalıdır.

Saçı tez-tez fenlə və ya ütülə qurutmaqdan çəkinin.

Təbii yağlardan istifadə edə bilərsiniz: kastor yağı, kokos yağı, zeytun yağı (həftədə 1–2 dəfə maska kimi).

5. Dərinin sağlamlığını qoruyun

Əgər baş dərisində:

qaşınma,

kəpək,

qızartı,

və ya həddindən artıq yağlanma varsa,trixoloq və ya dermatoloqa müraciət etmək lazımdır.

6. Professional müalicə

Saç tökülməsi ağır olduqda həkim aşağıdakı müalicələri təklif edə bilər:

Mezoterapiya

PRP (plazma terapiyası)

Lazer terapiyası

Medikal müalicə (minoksidil və s., həkim təyinatı ilə!)

Nə vaxt həkimə müraciət etməli?

Aşağıdakı hallarda vaxt itirmədən mütəxəssisə gedin:

Saç tökülməsi 3 aydan çox davam edirsə

Saçlarda boşluqlar yaranıbsa

Qaş və kipriklər də tökülürsə

Baş dərisində yara və ya güclü qaşınma varsa

Ailə daxilində keçəllik varsa

Emin Əzimoğlu
Qlobal.net