Dəmir orqanizmdə oksigen daşınması, enerji istehsalı və immun sisteminin gücləndirilməsi kimi funksiyalar üçün vacibdir.
Dəmir çatışmazlığı anemiyaya səbəb ola bilər.
Qlobal.net dəmirlə zəngin qidaların siyahısını təqdim edir:
Mal əti, quzu əti və digər qırmızı ət növləri yüksək dəmir məzmununa malikdir. Xüsusilə qaraciyər və böyrək kimi orqan ətlərində çox miqdarda dəmir var.
Qırmızı ətlə müqayisədə bir az az olsa da, toyuq və hinduşka kimi ağ ətlər də dəmir baxımından zəngindir.
Sərt qabıqlı dəniz məhsulları, xüsusilə midiya, istiridye və karides yüksək dəmir tərkiblidir. Balıqlarda da müəyyən miqdarda dəmir var, xüsusilə ton balığı, somon və sardina.
Noxud, mərci, lobya və qara paxla kimi paxlalılar bitki mənşəli dəmirin əsas mənbələrindəndir.
Ispanaq, kələm və digər yaşıl yarpaqlı tərəvəzlər dəmirlə zəngindir, xüsusilə ispanaq bu sahədə önə çıxır.
Balqabaq, küncüt, günəbaxan toxumu və badam, fındıq, püstə kimi çərəzlər dəmir ehtiva edir.
Kinoa, qarabaşaq, bulqur, yulaf və qəhvəyi düyü kimi tam taxıllarda da yüksək dəmir tərkibi var.
Quru ərik, kişmiş, quru gavalı və quru əncir kimi quru meyvələr dəmirlə zəngindir.
Xüsusilə yumurtanın sarısı dəmir mənbəyidir, baxmayaraq ki, ət qədər yüksək tərkibli olmasa da, yaxşı bir əlavə dəmir mənbəyi hesab edilir.
Tünd şokolad həm də yüksək dəmir məzmununa malikdir və şirin qəlyanaltı kimi faydalı ola bilər.
Dəmirin orqanizm tərəfindən daha yaxşı mənimsənilməsi üçün C vitamini ilə zəngin qidalarla birlikdə qəbul etmək faydalıdır, məsələn, portağal suyu ilə ispanaq yemək orqanizmin dəmiri daha yaxşı udmasına kömək edə bilər.
207
