Ədviyyatlar yeməklərə dad qatmaq üçün daim istifadə etdiyimiz və hər zaman əlimizin
altında olan inqrediyentlər arasındadır. Təbii ki, onların yetişmə üsulu, dadı
və qiyməti bir-birindən fərqlidir.
Bəs zəfəranı bütün ədviyyatlar arasında fərqləndirən nədir və bu ədviyyat
niyə bu qədər bahadır?
Qlobal.net bildirir ki, zəfəran sözünün mənşəyi ərəbcə "sarı rəng" mənasını
verən "asfar" sözündəndir.
Çox vaxt qida boyası və ətirləndirici kimi istifadə edilən zəfəran payızda
çiçək açan, bənövşəyi tonlarda çiçəkləri olan bir bitkidir. Bu bitki Fransa,
İran, İspaniya və İtaliyada, həmçinin Azərbaycanda yetişdirilir. Vətəni cənub-qərb Asiyadır, lakin becərilməsi
ilk dəfə Yunanıstanda başlamışdır.
Bu ədviyyatdan 1 kiloqram istehsal etmək üçün təxminən 100-130 min zəfəran
çiçəyi lazımdır. Bu səbəbdən bahadır. Zəfəran bitkisinin gözə çarpan bənövşəyi
çiçəyi var, lakin ədviyyat həmin çiçəyin ortasındakı sarı pistildən alınır. Yəni
çiçəyin özündən bir yana, ortadakı bütün sarı hissədən belə bu ədviyyatı əldə
etmək mümkün deyil. Dişi hissə çıxarılır, erkək hissə isə atılır
Səbinə
Qlobal.net
139
