Yerli mətbuatda uzun müddətdir Azad Azərbaycan televiziyasında çalışan Zaur Baxşəliyevin Xəzər tv-yə keçməsi ilə bağlı iddialar yayılıb.
Metbuat.az məsələ ilə bağlı ATV kanalı ilə əlaqə saxlayıb. Kanalın mətbuat katibi Ozal İbrahimli bildirib ki, bu barədə iddialar doğru deyil:
"Heç bir əsası yoxdur. Xəzər TV-yə qonaq kimi gedib. Zaur
Baxşəliyev ATV-də yeni mövsümə yeniliklərlə dolu verilişlərə
hazırlaşır".
Qeyd edək ki, aparıcı Xəzər tv-yə gedərək oradakı keçmiş iş yoldaşları ilə şəkil çəkdirib. Bu görüntülər aparıcının ATV-dən ayrıldığı iddialarını gücləndirib.
***
Azad Azərbaycan televiziyasının (ATV) məşhur aparıcısı Zaur Baxşəliyev Xəzər televiziyasına gedib.
Manset.az-ın əldə etdiyi məlumata görə, o, televiziyanın rəhbəri, tanınmış şoumen Murad Dadaşovla, eyni zamanda vaxtilə ATV-də birlikdə çalışdığı keçmiş iş yoldaşları ilə görüşüb, fotolar çəkdirib.
Zaur Baxşəliyevin qəfil Xəzər televiziyasına getməsi ağıllarda sual yaradıb. Onun yeni mövsümdən adıçəkilən televiziyada fəaliyyət göstərəcəyi güman edilir.
