Bakıda yol polisinin etdiyi hərəkəti qeydə alan şəxs həmin videonu sosial şəbəkədə paylaşıb. 

Bakı şəhər Dövlət Yol Polisi İdarəsinə məxsus 99-YP-316 qeydiyyat nişanlı yol patrul xidməti avtomobilinin əməkdaşı xidmət zamanı yoldakı tıxacı aradan qaldırıb. Hava limanı yolunda baş verən yüngül qəza zamanı avtomobil yolun hərəkət hissəsində qalıb. Nəticədə həm digər sürücülərə təhlükə yaranıb, həm də yolda tıxaca səbəb olub. Bunu görən polis əməkdaşı hərəkət iştirakçılarının təhlükəsizliyini təmin etmək məqsədilə qəzalı vəziyyətdə olan avtomobili təkbaşına yoldan kənara çıxarıb və avtomobilin təxliyyə edilməsi üçün əraziyə evakuator çağırıb.
Onun bu hərəkəti sosial şəbəkə izləyiciləri tərəfindən alqışlanıb. (avtosfer.az)