Namaz qılan insanları maraqlandıran əsas məsələlərdən biri də "Yatsı namazı nə vaxta qədər qılınır?" sualıdır.
Qlobal.net bu suala cavab tapmağa çalışıb:
Yatsı namazının vaxtı, axşam namazının vaxtı çıxdıqdan sonra başlayır və "imsak" vaxtına (gündoğarının ağarmaya başlaması) qədər davam edir (Tahavî, Şerhu me‘âni’l-âsâr, 1/159 [957-959]). Bu müddət ərzində yatsı namazı hər hansı bir vaxtda qılınabilir. Bununla belə, bəzi alimlər, bütün fərz namazlarında olduğu kimi, yatsı namazını da vaxtının ilk dilimində qılmağın Peyğəmbərimizin (s.a.s.) tövsiyəsinə uyğun olaraq daha fəzilətli olduğunu bildirmişlər. Lakin, digər bəzi rəvayətlərə əsaslanaraq, yatsı namazını gecənin bir qədər irəliləyən vaxtında qılmağın daha uyğun olduğunu qeyd edən alimlər də vardır (İbn Kudamə, el-Muğnî, 1/278).
Şafi məzhəbinə görə, yatsı namazının vaxtı qərb üfüqündəki qızıllığın itməsi ilə başlayır və tan yerinin ağarmasına qədər davam edir. Ancaq bu məzhəbə görə, yatsı namazı öz daxilində "fəzilətli", "ixtiyari", "cəvaz" və "üzür" olaraq dördə ayrılır. Fəzilətli vaxt, vaxtın başında qılınmasıdır. İxtiyari vaxt, gecənin ilk üçdə biri olan vaxtdır. Bundan sonra fecrə qədər olan vaxt isə cəvaz vaxtıdır. Bu vaxtda yatsı namazını qılmaq caiz olsa da, məkrudur. Üzür vaxtı isə yatsının cəm-i təqdimi ilə qılınacağı axşam namazı vaxtıdır (Nevevî, el-Məcmû’, 3/31).
Fatimə
Qlobal.net
163
