Alimlər xərçəng kimi ciddi xəstəliklərin inkişafını dayandıra bilən təbii
birləşmə kəşf ediblər.
Qlobal.net bildirir ki, bitkilərdən əldə edilən bu maddə laboratoriya testlərində
mühüm bir fermenti təsirsiz hala salıb. Hazırda onun müalicəvi təsirləri
araşdırılır.
Müayinələrdə bitkilərdə olan sulfuretin adlı flavonoid birləşmənin xərçəng
və MS ilə əlaqəli əhəmiyyətli bir fermenti zərərsizləşdirdiyi müəyyən edilib.
İndi bu maddənin terapevtik təsirini, təhlükəsizliyini və mümkün yan təsirlərini
araşdırmaq üçün heyvanlar üzərində sınaqdan keçirilməsi planlaşdırılır.
Araşdırmanı aparan professorlardan biri olan Larri Şerman kəşf edilən bu
birləşmənin bir çox müxtəlif xəstəliklərin müalicəsində istifadə oluna biləcəyini
düşünür. Sülfüretinin hialuronidaza adlı fermentin fəaliyyətini maneə törətdiyi
aşkar edilmişdir. Bu ferment orqanizmdə hialuron turşusunu parçalayaraq bəzi xəstəliklərə
səbəb ola bilər.
Bu mühüm kəşf Portland Universitetində uzun illər aparılan araşdırmalar nəticəsində
ortaya çıxdı. Kimya professoru Angela Hoffman və tələbələri bitkilərdən əldə
edilən müxtəlif birləşmələri tək-tək araşdıraraq xəstəliklərə qarşı təsirli
olanları müəyyən etməyə çalışıblar. İllərlə aparılan tədqiqatlar nəticəsində məlum
oldu ki, sulfuretin ən perspektivli birləşmələrdən biridir.
Səbinə
Qlobal.net
22
