Türkiyədə ağır yol-nəqliyyat hadisəsi baş verib.

İstanbulun Avcılar Şükrübey dayanacağı yaxınlığında baş verən qəzada 4 metrobus toqquşub.

İstanbul valisi Əli Yerlikaya qəzada 42 nəfərin yaralandığını açıqlayıb.

Qəza səbəbilə hadisə yerinə çoxlu sayda qruplar sövq edilib.

Hadisə yerində xilasetmə işləri davam edir.

***

İETT-İstanbul Elektrik Tramvay və Tunel İdarələrindən verilən açıqlamaya görə, qəza nəticəsində xəsarət alanların sayı 85-ə yüksəlib.

***

İstanbul valisi Əli Yerlikaya yaralı sayının 99-a yüksəldiyini bildirib:

“50 yaralımız təcili yardım maşınları ilə yaxınlıqdakı xəstəxanalara çatdırıldı. 49 yaralımız isə öz imkanları ilə xəstəxanalara getdi və ambulator müalicə aldı. Yaralı vətəndaşlarıma şəfalar diləyirəm”. (qafqazinfo)