Tanınmış şairdən Tünzaləyə sərt sözlər: "Oxuya bilmir, nə səsi var, nə də abır-həyası"
"Tünzalə Ağayeva bir müğənni kimi artıq tükənib”. Bunu Qaynarinfo-ya açıqlamasında şair və jurnalist Anar Vəziroğlu
Xalq artisti Tünzalə Ağayevanın açıq-saçıq səhnə geyimlərinin sosial
şəbəkədə tənqid edilməsindən danışarkən deyib.
Anar Vəziroğlu hər bir insanın tükənən vaxtının olduğunu xatırladıb: "Müğənnilər isə tükənəndə pul xərcləmək istəmirlər. Baxırsan ki,
mahnının sözlərini də musiqisini də özləri yazır və həm də oxuyurlar.
Müğənnilər tükənəndə bilmirlər nə etsin, başlayırlar başqa şeylərlə
özlərini gündəmdə saxlamağa. Məsələn, ədəbazlıqla, soyunmaqla və s.
Vaxtı ilə Tünzalə səhnəyə necə çıxmışdı? Baş örtüyü ilə özünü izləyiciyə
sevirməyi bacardı, tanıtdı. Tünzalə bu rolu o vaxt oynadı ki, rayondan
təzə gəlmişdi. Amma indi baxın ona, görün rayondan gələn adamdan
əsər-əlamət var? Özü də insanlara deyir ki, "beyinləri yoxdur".
İzləyicini təhqir edir”.
Anar Vəziroğlu hesab edir ki, Tünzalə Ağayeva izləyicinin, cəmiyyətin qədrini bilmir: "Belə adamlar həmişə insanlara yuxarıdan aşağı baxır, çünki özü
tükənib, səsi də yoxdur, vəssalam. Deyir soyunum, camaat da baxsın.
Fikirləşirəm ki, müğənni soyunursa, lap yaxşı. Onsuz da 10 milyonun
qarşısında soyunursan, onda həmin paltarla çıx küçəyə. Niyə küçəyə
çıxmırsan? Çünki camaatdan qorxursan. Efirdə soyunanda bilirsən ki, sənə
kimsə nəsə deməyəcək, amma küçədə yavaşça üzünə tüpürəcəklər, ya da
olanı əynindən çıxaracaqlar”.