Trampın Suriya Prezidentinə arvadla bağlı sualı GÜNDƏM OLDU
ABŞ Prezidenti Donald Tramp Ağ Evdə Suriyanın prezidenti Əhməd əl-Şəraa ilə görüş keçirib.
Qlobal.net xəbər verir ki, görüş zamanı Tramp öz markasına məxsus “Trump” ətrini əl-Şəraaya və onunla birlikdə olan xarici işlər naziri Əsəd əş-Şeybaniyə hədiyyə edib. Ətri onların üzərinə sıxaraq, bunun “ən yaxşı ətir” olduğunu bildirib və “biri sizin üçün, biri də həyat yoldaşınız üçündür” deyib.
Sonra Tramp gülərək soruşub: “Neçə arvadın var? Bir?”
Əl-Şəraa sakitcə “Bəli, bir” cavabını verib. Tramp isə zarafatla əlavə edib:
“Sizdə vəziyyət bir az fərqlidir, heç vaxt bilmək olmur!”
Bu sual bir ərəb və müsəlman dövlət başçısına ünvanlandığı üçün bir qədər qeyri-adi və uyğun olmayan hesab olunub. Əl-Şəraa isə cavab olaraq Trampa eyni sualı verib:
“Bəs sizin neçə arvadınız var?”
Tramp cavab verib: “Hazırda bir.”
Otaqda olanlar bu sözlərə gülüblər.
