Telefonunuzun ən uyğunsuz vaxtlarda – məsələn, naviqasiyadan istifadə edərkən, sevimli oyununuzu oynayarkən və ya vacib bir mesaj göndərməyə çalışarkən donmasından bezmisiniz? Telefonun donma problemi, doğrudan da, böyük narahatlıq və stress mənbəyi ola bilər. Amma əmin olun, tək deyilsiniz. Yalnız Xiaomi, Samsung və digər Android markalarında deyil, eyni zamanda iPhone-larda da donma, ilişmə və bu kimi problemlər baş verə bilər. Bəs telefon donursa, çox ilişirsə nə etməli?
Yeni telefon niyə donur? – bu sual tez-tez maraq doğurur. iPhone və Android telefonların donmasının bir neçə səbəbi ola bilər. Səbəblər arasında zəif prosessor, qeyri-kafi yaddaş və ya yaddaş sahəsinin dolu olması ola bilər. Bu, proqram təminatında və ya yüklənmiş tətbiqlərdən birindəki problem səbəbindən də baş verə bilər. Telefonun donmasının və ilişməsinin əsas səbəbləri bunlardır
Qeyri-kafi RAM yaddaşı: Çoxlu tətbiqlərin işləməsi və ya çox sayda açıq brauzer sekməsinin olması telefonunuzun RAM yaddaşını dolduraraq donma və ya yavaşıma yarada bilər.
Azad yaddaş sahəsinin az olması: Telefonun daxili yaddaşı dolduqda performans problemləri və donma baş verə bilər.
Proqram yeniləmələri: Köhnəlmiş və ya səhvli proqramlar donma problemlərinə səbəb ola bilər.
Zərərli proqramlar və viruslar: Zərərli proqram təminatı telefonun fəaliyyətini pozaraq donmaya və digər problemlərə səbəb ola bilər.
Həddindən artıq isinmə: Telefonun çox isinməsi onun donmasına və ya sönməsinə səbəb ola bilər.
Donanım problemləri: Nasaz batareya, xətalı RAM və ya zədələnmiş prosessor kimi donanım problemləri də donmaya səbəb ola bilər.
Şəbəkə bağlantı problemləri: Zəif Wi-Fi və ya mobil əlaqə də donmalara gətirib çıxara bilər.
Telefonum donur, çox ilişir. Nə etməliyəm?
Telefonun donması geniş yayılmış problemdir. Apple, Samsung, Xiaomi, Huawei – bütün markaların smartfonlarında bu problem yarana bilər. “Samsung telefonum ilişir” və ya “Xiaomi telefon ilişir” kimi axtarışlar da bu problemin müxtəlif markalarda geniş yayıldığını göstərir. Bəs bunun həlli nədir? iPhone və ya Android telefonda donma, ilişmə və gecikmə probleminin həll yolları belədir
Telefonun donma problemini həll etməyin ən sadə və effektiv yollarından biri yenidən başladılmasıdır. Güc düyməsini basıb saxlayaraq telefonunuzu söndürüb yenidən yandırın. Əgər telefon cavab vermirsə, güc düyməsi ilə birlikdə səs azaltma düyməsini təxminən 10 saniyə basıb saxlayaraq "hard reset" adlı bərpa əməliyyatını edin. Bu, donma və ilişmə daxil bir çox müvəqqəti proqram təminatı problemini həll edə bilər.
Telefonunuzda kifayət qədər boş yaddaş sahəsi yoxdursa, bu donma problemlərinə səbəb ola bilər. Yaddaş dolduqda telefon ləngiyə və cavabsız qala bilər. Ayarlara daxil olun, yaddaş bölməsinə baxın və lazımsız şəkil, video və tətbiqləri silin. Faylları xarici yaddaş cihazına və ya bulud saxlama xidmətinə köçürün. Telefonun donmaması üçün yaddaşınızı mütəmadi olaraq nəzarətdə saxlayın.
Köhnəlmiş proqram təminatı telefonun donmasına səbəb ola bilər. İstehsalçılar sistem sabitliyini artırmaq və səhvləri aradan qaldırmaq üçün daim yeniləmələr təqdim edirlər. Ayarlara daxil olun, “Sistem Yeniləməsi” bölməsini tapın və yeniləmə etməzdən əvvəl Wi-Fi-a qoşulduğunuzdan və batareyanızın kifayət qədər dolu olduğundan əmin olun.
Yenilənməmiş və ya sisteminizlə uyğun olmayan tətbiqlər donmalara səbəb ola bilər. Google Play Store və ya App Store-a daxil olaraq tətbiqlərinizin yenilənməsini yoxlayın. Əgər müəyyən bir tətbiq telefonun davamlı donmasına səbəb olursa, onu silin və alternativ tətbiq yükləyin.
Telefonunuzu sıfırlamaq, adətən davamlı donma problemlərini həll edir. Ancaq fabriki parametrlərə qaytarmadan əvvəl mühüm məlumatlarınızı mütləq ehtiyat nüsxəyə alın. Çünki bu proses bütün məlumatları siləcək və telefonu ilkin ayarlarına qaytaracaq.
Əgər yuxarıdakı həll yollarını etdikdən sonra donma problemi hələ də davam edirsə, mütəxəssis köməyinə ehtiyacınız ola bilər. Problem donanımla bağlı ola bilər və peşəkar diaqnostika və təmir tələb edə bilər. Bu zaman telefon istehsalçısının texniki dəstək xidmətinə və ya rəsmi servis mərkəzinə müraciət edin. Şanslısınızsa, sadəcə yuxarıdakı addımlarla bu problemi aradan qaldıra bilərsiniz.
Murad
Qlobal.net
150
