Türkiyəli daxili xəstəliklər mütəxəssisi Dr.İrem Özçelik, qış aylarında uşaqlar,
yaşlılar və hamilə qadınlarla yanaşı ürək, təzyiq, şəkər, qaraciyər və böyrək
kimi xroniki xəstəlikləri olanlara bildirib ki, soyuqdəymə, qrip, sinüzit,
bronxit, pnevmoniya kimi xəstəliklərə qarşı daha diqqətli olmalıdırlar.
Qlobal.net bildirir ki, Ekspert Dr.Özçelik, güclü immun sisteminə sahib olmağın ilk
addımının sağlam həyat tərzi strategiyalarının həyata keçirilməsi olduğunu
vurğulayıb və aşağıdakı təklifləri verib:
Tədqiqatlar müntəzəm gündəlik idmanın immuniteti gücləndirdiyini göstərir.
Xüsusilə qışda idmanı dayandırmamaq və gündə ən azı 30 dəqiqə aerobik məşğul
olmaq (gəzinti, üzgüçülük, velosiped) tövsiyə olunur. Açıq havada edilən idman,
müqavimət, fitness və enerji səviyyəsini artırır.
Bədən müqavimətini artırmaq üçün yetkin insanın gündə 7-9 saat yatması
vacibdir. Yuxu zamanı ürək dərəcəsi, qan təzyiqi və tənəffüs azalır, faydalı
hormonların ifrazı artır. Yuxu balanslı və nizamlı olmalı, ideal saatlar gecə
23.00 ilə səhər 07.00 arasıdır.
C vitamininin qripdən qoruduğu məlumdur, həmçinin D vitamini çatışmazlığı
qış xəstəliklərini artırır. D vitamini səviyyəsini artırmaq üçün günəş vannası
qəbul etmək tövsiyə olunur. Bu mümkün olmadıqda, həkim məsləhəti ilə D vitamini
əlavələri istifadə oluna bilər.
Qış xəstəliklərindən qorunmağın ən sadə yolu gigiyena qaydalarına riayət
etməkdir. Əllər düzgün yuyulmalı və xarici mühitlə təmasdan sonra burun, göz və
ağıza toxunulmamalıdır.
Səbinə
Qlobal.net
38
