İnfarkt və digər ürək-damar xəstəlikləri bütün dünyada və ölkəmizdə əsas
ölüm səbəbləridir.
Qlobal.net bildirir ki, dünyada orta hesabla hər dörd ölümdən biri ürək-damar xəstəlikləri
səbəbindən baş verir. Soyuq hava da ürək sağlamlığına ciddi təsir edir.
Türkiyə Sinə və Ürək Damar Cərrahiyyəsi Təhsil və Araşdırma Xəstəxanasının
Kardiologiya mütəxəssisi Dos.Dr.Kahraman bu haqda danışıb.
Dr. Kahraman, "Qış aylarında ürək-damar xəstəlikləri səbəbiylə infarkt
riskində artım olsa da, ürək çatışmazlığı və yüksək təzyiq kimi halların pisləşməsi
müşahidə edilə bilər" dedi.
"Soyuq havada ürəyə axan qanın miqdarı azalır. Bu zaman ürək bədənə
kifayət qədər qan vurmaq üçün daha çox işləməli olur. Bu, ürəyin oksigenə
ehtiyacının artmasına səbəb olur. Lakin soyuq havalarda ürəyi qidalandıran tac
damarlarının daralması baş verir ki, bu da ürəyin qan tədarükünün azalmasına səbəb
olur. Bunun nəticəsində də sinə əzələlərinin ehtiyacı artır və ürək inarktına səbəb
ola bilir” sözlərini vurğuladı.
Ürək-damar xəstəliklərinin müalicəsində və qorunmasında mühüm yeri olan
balanslı qidalanma, fiziki fəaliyyət və çəki nəzarətinin də qış aylarında
pozulduğuna diqqət çəkən Dos. Dr. Kahraman, "Fiziki məşqlərin azalması ilə
birlikdə hərəkətsiz həyat və kilo artımı müşahidə edilir. Bundan əlavə, qışda
yağlı və duzlu qidaların qəbulu ürək-damar tıxanıqlığının artmasına və infarkt
keçirməsinə səbəb ola bilər" dedi.
Soyuq havalarda infarkt riskinin artdığını, həyat tərzinin dəyişməsinin təsiri
ilə ürək çatışmazlığının da artdığını deyən Dos. Dr. Kahraman: "Qrip və
pnevmoniya kimi infeksiyaların artması ürək-damar xəstəlikləri üçün risk
yaradır" dedi.
Səbinə
Qlobal.net
80
