Yüksək xolesterin uzun müddət ərzində demək olar heç bir simptomla özünü büruzə vermir.

Lakin bu zaman orqanizmdə çox təhlükəli proses gedir – xolesterin damarlarda yığılır, damarları daraldır, onları zəif edir ki, nəticədə damarların partlaması, tam bağlanması riski artır. Bu səbəbdən mütəxəssislər böyüklərə ildə ən azı 1 dəfə profilaktik məqsədlə xolesterinin səviyyəsini təyin etməyi tövsiyə edirlər.

Yüksək xolesterindən şübhələnməyə səbəb olan bəzi əlamətlər var. Onlar cüzi olsa da pozulmanı vaxtında aşkar etməyə kömək edə bilər.

Bu əlamətlər aşağıdakılardır:

– dəridə lipomaların (piy şişi) əmələ gəlməsi

– gözlərin rəngli hissəsinin ətrafında açıq boz halqaların əmələ gəlməsi

– ksantelazmalar – göz qapaqlarında və gözlərin uclarında kiçik piy şişləri.

Sizdə bu əlamətlər varsa, vaxt itirmədən həkimə müraciət edin, lazım olan müayinə və analizlərdən keçin. (saglamolun.az)