Ölü dəri hüceyrələrinin məsamələri tıxanması, stress, bakteriyalar və
yanlış dəriyə qulluq rejimi kimi bir çox faktor sızanaqların əmələ gəlməsinə səbəb
ola bilər.
Qlobal.net bildirir ki, qidalanma vərdişlərinin də dəri sağlamlığına əhəmiyyətli təsirləri
olduğunu ifadə edən mütəxəssislər sızanaq və sızanaq əmələ gəlməsini tətiklədiyi
düşünülən 4 qidanı açıqlayıb.
1)Süd Məhsulları:
Südün sızanaqlara təsiri hələ aydın olmasa da, bəzi tədqiqatlar süd məhsullarının
sızanaq əmələ gəlməsinə səbəb ola biləcək insulin səviyyəsini artıra biləcəyini
göstərir. Digər tərəfdən, inək südünün qaraciyəri daha çox IGF-1 istehsal etməyə
təşviq edən amin turşuları ehtiva etdiyi üçün sızanaqların inkişafı ilə əlaqəli
ola biləcəyi fərz edilir.
2)Təmiz Karbohidratlar:
Yüksək insulin səviyyələri; Diabet, ürək xəstəliyi və sızanaq kimi müxtəlif
sağlamlıq problemlərinə səbəb ola bilər. İnsülin həmçinin androgen hormonlarını
daha aktiv edir və insulinə bənzər böyümə faktoru 1 (IGF-1) səviyyəsini
artırır, bu da dəri hüceyrələrinin sürətli böyüməsinə və sebum istehsalının
artmasına səbəb olur və beləliklə, sızanaqların əmələ gəlməsinə meyl yaradır.
3)Fast Foodlar:
Çinli yeniyetmələr və böyüklər üzərində aparılan bir araşdırma, yüksək
yağlı pəhrizlərin sızanaq riskini 43 faiz artırdığını göstərdi. Eynilə, tez-tez
qızardılmış qidalar istehlak edənlərin sızanaq riskinin yüzdə 17 artdığı aşkar
edilmişdir. Bununla belə, fast food istehlakının sızanaqlara təsirini izah etmək
üçün daha çox araşdırma tələb oluna bilər, çünki bu mövzuda aparılan tədqiqatlar
əsasən öz-özünə bildirilən məlumatları nəzərə alır.
4)Şokolad:
Bir araşdırmada, gündə 25 qram tünd şokolad istehlak edən sızanaqlara
meylli kişilərdə cəmi 2 həftə sonra daha çox sızanaq lezyonları var idi. Başqa
bir araşdırma, hər gün yüzdə 100 kakao tozu kapsulu yeyən kişilərdə plasebo
qrupundan daha çox sızanaq lezyonunun olduğunu aşkar etdi.
Səbinə
Qlobal.net
25
