Rus Kəşfiyyatı: Avropa ölkələri Ukraynanı öz aralarında böləcək

Ukrayna-Rusiya müharibəsi davam etdikcə, Ukraynanın gələcəyi daha çox maraq doğurur. Rusiyanın Xarici Kəşfiyyat Xidməti (SVR) bəyanatında bəzi Avropa ölkələrinin Ukraynanı öz aralarında bölmək istədiyini iddia edib.

Qlobal.net bildirir ki, rus kəşfiyyatının iddiasına görə, Almaniya, Rumıniya, İngiltərə və Polşa Ukraynanı dörd yerə böləcək və 100 mindən çox əsgər yerləşdirəcək.

Kəşfiyyat rəsmiləri bildiriblər ki, Qərb Ukraynanı nəzarət altına almaq üçün onu işğal etməlidir. Bu məqsədlə “sülhməramlı qüvvələr” adı altında Ukraynaya 100 min avropalı əsgərin göndəriləcəyi qeyd olunub. Həmin əsgərlərin Almaniya, Rumıniya, İngiltərə və Polşadan gələcəyi vurğulanıb.

Rus kəşfiyyatının məlumatına əsasən:

• Rumıniya Qara dəniz sahil bölgəsini nəzarət altına alacaq.
• Polşa Ukraynanın qərbinə hakim olacaq.
• Almaniya ölkənin mərkəzi - Kiyev və şərq bölgələrini idarə edəcək.
• İngiltərə isə şimalda təsirli olacaq.