Bir neçə gün öncə dünya şöhrətli pop ulduzu Rihanna geyindiyi cırılmış "kalqotka"sı ilə diqqət mərkəzinə düşüb.
Qlobal.net Yenisabah.az-a istinadla xəbər verir ki, müğənninin həmin geyiminin markası və dəyəri artıq bəllidir.
Məlum olub ki, sözügedən "kalqotka" məşhur “Balenciaga” brendinə aiddir və onların qiyməti 2529 manat təşkil edir. Bu "kalqotka" cırılmış kimi görünən xüsusi dizayna malikdir və markanın avangard üslubunun nümunəsidir. "Balenciaga" tez-tez qeyri-adi və eksperimental geyimləri ilə tanınır. Bu geyim də cəsarətli moda həvəskarları üçün nəzərdə tutulmuş bir dizayndır.
Qeyd edək ki, həmin cırıq "kalqotka" sosial mediada geniş müzakirələrə səbəb olub. Bəzi insanlar bunu "dəbə fərqli yanaşma" kimi qiymətləndirsə də, digərləri bu cür yüksək məbləği "cırıq" paltar üçün ödəməyi tənqid edib.
