Sertifikatlaşdırma prosesinin test mərhələsinin ilk seansından maksimum bal toplayanlardan biri də Ülkər Hüseynovadır. 

Bu barədə Quba-Xaçmaz Regional Təhsil İdarəsindən məlumat verilib. 

Belə ki, Xaçmaz Rayonu Əzizəddin Tahirov adına Köhnə Xaçmaz tam orta məktəbinin riyaziyyat müəllimi Ülkər Hüseynova müəllimlərin sertifikatlaşdırılması prosesindən 60 bal toplayıb.

***

Xəbər verdiyimiz kimi, sertifikasiya prosesinin test imtahanı mərhələsinə başlanılıb.

Qlobal.net viral.az-a istinadla xəbər verir ki, Bakı Şəhəri Sabunçu Rayonu Rixard Zorge adına 90 nömrəli tam orta məktəbin Riyaziyyat müəllimi Saidə Bayramova sertifikasiyadan 60 bal toplayıb.

Müəllim imtahanla bağlı təəssüratlarını bizimlə bölüşüb. Qeyd edib ki, ixtisasla bağlı suallar çox asan olub:

“Kurikulum sualları isə bir az düşündürücü olsa da, elə də çətin deyildi. Düşünürəm ki, 60 balı toplamaq çətin deyil.Bundan öncə sınaq imtahanlarında iştirak edən zaman 1-2 səhvim olurdu. Ona görə də maksimum nəticə göstərəcəyimə əmin deyildim. Amma imtahana daha diqqətli və ciddi yanaşandan səhv etməmək mümkün imiş”.