İran Prezidenti İbrahim Rəisinin helikopteri dağa çırpılıb və parçalanıb.

Qlobal.net xəbər verir ki, bu barədə məlumatı "Telegram" kanalları Rəisinin helikopterin axtarış əməliyyatı qrupunun yüksək rütbəli üzvü Möhsün Haşimnejada istinadla yazıb.

Haşimnejadın sözlərinə görə, zərbədən sonra 2 cəsədi ağır yanıq, bir cəsəd yarıyanıq, bir cəsəd isə travma və ağır sınıqlar alıb. Ən çox zərər çəkən uçuş heyəti olub.

O, Təbrizin imam cüməsi Ayətullah Əli Al-Haşimin ölüm səbəbinin daxili qanaxma olduğunu, cəsədinin bir az aralıda palçıqlı yerdə tapıldığını bildirib.

Qeyd edək ki, bundan öncə İran Prezident Aparatının rəhbəri, nümayəndə heyətinin uçduğu 3 helikopterdən birində olan Qulamhüseyn İsmaili Dizmar meşəsi ərazisində parça bulud göründüyü, Rəisinin helikopterini idarə edən və uçuş heyətinə rəhbərlik edən pilotun digər helikopterlərə yuxarı qalxmaq əmri verdiyi, lakin bulud üzərinə qalxarkən Rəisinin helikopterinin yoxa çıxdığını gördüklərini bildirmişdi. Rəisinin helikopterinin dağlıq ərazidə hündürlüyə qalxa bilmədiyi və buludların içinə girərək, dağa çırpıldığı haqda təsəvvür yaranır.

(Axar.az)