Qurban bayramı İslam dünyasında böyük mənəvi dəyərlərə sahib olan, paylaşma və mərhəmət ruhunu yaşadan müqəddəs bayramdır. Bu ibadətin ən önəmli hissələrindən biri də qurban kəsilərkən oxunan duadır.
Qlobal.net bildirir ki, Qurban duası yalnız dini bir mətn deyil, eyni zamanda niyyətin, səmimiyyətin və itaətin ifadəsidir.
Bu yazıda sizə qurban duası necə oxunur, mənası nədir və qurban kəsilərkən nələrə diqqət edilməlidir kimi sualların cavabını təqdim edirik.
Qurban duası (ərəbcə və azərbaycanca)
Ərəbcə:
Bismillahir-rəhmanir-rəhim
Vəccəhtu vəchiyə lilləzi fətərəs-səmavati vəl-ərzə hənifən muslimən və ma ənə minəl-muşrikin.
İnnə səlati və nusuki və məhyayə və məmati lilləhi rəbbil-aləmin.
La şərikə ləh. Və bizalikə umirtu və ənə minəl-muslimin.
Əllahummə təqəbbəl minnə kəma təqəbbəltə ən İbrahimə xəlilik.
Və Musa kəlimik. Və Muhəmmədin həbibik.
Səlləllahu ələyhi və alihi və ələyhim əcməin.
Azərbaycanca mənası:
Həqiqətən mən səmimi qəlb və doğru niyyətlə üzümü göyləri və yeri yaradan Allaha yönəltmişəm. Mən Ona heç bir şərik qoşanlardan deyiləm.
Həqiqətən namazım, qurbanım, həyatım və ölümüm aləmlərin Rəbbi olan Allah üçündür. Onun heç bir şəriki yoxdur. Mənə bu əmr olunmuşdur və mən müsəlmanlardanam.
İlahi! Bizim qurbanımızı qəbul et, necə ki, dostun İbrahimin, kəlam sahibi Musanın və sevimli Peyğəmbərin Məhəmmədin (s.ə.s) qurbanlarını qəbul etdin.
Qurban duası nə zaman oxunur?
Qurban duası heyvan kəsilməzdən əvvəl, qurbanlıq heyvanın qarşısında, niyyət edilərkən oxunur. Əvvəlcə “Bismillahi Allahu Əkbər” deyilir, daha sonra bu dua ardıcıl şəkildə səsləndirilir.
Qurban duasının mənəvi əhəmiyyəti
Bu dua, qurbanın yalnız bir ət kəsmək olmadığını, onun Allah rizası üçün edilən bir ibadət olduğunu vurğulayır. Həmçinin, müsəlmanın qurban vasitəsilə özünü Allah yolunda fəda etməyə hazır olduğunu simvolizə edir.
Qurban duası, ibadətin ruhunu ifadə edən mühüm bir hissədir. Qurban kəsərkən bu duanı oxumaq, niyyəti düzgün etmək və ibadəti səmimiyyətlə yerinə yetirmək böyük savab qazandırır. Qurban bayramı münasibətilə edilən dualar və ibadətlər, müsəlmanların Allaha yaxınlaşma yolundakı ən gözəl vasitələrdəndir.
One Comment