67bc20c5777ae202502253325

Qəribə toy adəti: Orada gəlinin başına tüpürürlər

Dünyanın müxtəlif ölkələrində toylara xas maraqlı adət-ənənələr var. Lakin Keniyada, xüsusilə də Masai qəbiləsində keçirilən toy mərasimlərində yer alan bir ənənə digərlərindən xeyli fərqlənir. Burada gəlinin atası, xeyir-dua vermək üçün onun başına və sinəsinə tüpürür.

 

Qlobal.net bildirir ki, Afrikanın qədim qəbilələrindən biri olan Masai xalqı üçün tüpürmək, qəribə görünsə də, hörmət və uğur rəmzi sayılır. Bu adət gənc qızın yeni ailəsinə keçidini simvolizə edir və ona uğurlu bir evlilik arzulamaq məqsədi daşıyır. Tüpürmə mərasimindən sonra gəlin həyat yoldaşı ilə birlikdə yeni evinə yollanır.

 

Masai qəbiləsində bu ənənə təkcə toylarla məhdudlaşmır. Burada insanlar bir-birinə salam verərkən və ya yaşlılara hörmət əlaməti olaraq da tüpürürlər. Qəbilə üzvləri inanırlar ki, tüpürmək pis ruhları uzaqlaşdırır və uğur gətirir.

 

Qərb mədəniyyətləri üçün qeyri-adi və bir qədər anlaşılmaz görünə bilən bu adət Maasai xalqının qədim inancları və mədəni irsi ilə sıx bağlıdır. Onlar üçün toy mərasimlərində edilən hər bir ritualın dərin mənası və məqsədi var.

Səbinə

Qlobal.net

24.02.2025 11:55
show 41