Qədr gecələri İslam dinində ən müqəddəs və əziz gecələrdən biridir.

Qlobal.net bildirir ki, Qurani-Kərimin Qədr surəsində bildirildiyi kimi, bu gecədə Quran nazil olmuşdur və onun savabı min aydan daha xeyirlidir. Qədr gecələrində möminlər ibadətlə məşğul olur, namaz qılır, Quran oxuyur və dualar edir. Bu gecələrdə Allaha daha yaxın olmaq, bağışlanma diləmək və mənəvi saflığa nail olmaq üçün xüsusi əhəmiyyət verilir. İslam inancına görə, Qədr gecələri Ramazan ayının son on günündə axtarılmalıdır, xüsusilə də tək gecələrdə.
Azərbaycanda Ramazan ayı martın 1-də başlayacaq. İlk Qədr (Əhya) gecəsi martın 18-i, digərləri isə martın 20-si, 22-si və 26-sı olacaq.
Martın 30-u və 31-i Fitr (Ramazan) bayramıdır. Nazirlər Kabinetinin müvafiq qərarına əsasən, martın 30-u və 31-i Azərbaycanda Ramazan bayramı kimi qeyd olunacaq. 

Fatimə
Qlobal.net