Qardaş - həyatda ən yaxın dost, ən böyük dəstək və ailənin ayrılmaz parçasıdır.

Qlobal.net bildirir ki, həyatın çətinlikləri və sevincləri arasında qardaşların münasibəti xüsusi bir yer tutur. Qardaşlıq yalnız qan bağı ilə deyil, qarşılıqlı sevgi, hörmət və birliklə möhkəmlənir. O, uşaqlıqdan etibarən insanın yanında olan və ömür boyu güvənə biləcəyi bir dostdur. Qardaşlar arasında olan bağ bəzən sözlə ifadə edilə bilməyəcək qədər dərin və mənalıdır.

Qardaş haqda maraqlı və mənalı şeirlər

Sənlə dosta dostdur düşmənə düşmən.
Gücünə güc qatan dayaqdı qardaş.
Bir an belə düşsən dara çətinə.
Sənə yol göstərən mayakdi qardaş.

Kədərin sevincə üstün gələndə.
Kədərinə ortaq olandı qardaş.
Nədənsə sevinib üzün güləndə.
Üzünə təbəssüm dolandı qardaş.

Ata ocağının gur işığıdır.
Atadan sonraki Atandı qardaş.
Bacının ömür-gün yaraşığıdır.
Ömrünü-ömrünə qatandı qardaş..

Övladın yoxdursa o övlad olar.
Ogul tək arxanda durandı qardaş.
Müqəddəs ocağın ,and yerindi o 
Özünü od-közə vürandı qardaş.

Həyat işıgındır görən gözündür.
Düşünən beynindir, əlindi qardaş.
Dünyasın dəyişib səni tərk etsə .
Qəlbini göynədən qəmindi qardaş.

Qardaşında pisi,yaxşıları var.
Canında can olan canındı qardaş
Yaxşısıda olsa pisidə olsa.
Damarında axan qanındı qardaş.
Arzu Müzəffər Qızı Nuri.

*****

Dərdimi hamıdan tez düşər başa.
Yəqin ki, dostlarım məndən inciməz,
Kimsə çata bilməz doğma qardaşa.

Qardaş dedikləri qara daş deyil.
Daş mənim dərdimi qana bilərmi?
Mənim kədərimə qardaşım kimi,
Ağlaya bilərmi, yana bilərmi?
Deyirlər Allahın qardaşı yoxdur.
Bu sözü düz adam misal gətirməz.
Mən Allah deyiləm dərdi tək çəkəm,
Allah dərdinə də şərik götürməz.

Dostlar da var olsun, amma həyatdır.
Kəsilən çörək də tapdana bilər.
Qardaş qardaşını unudarmı heç?
Ananın südünü kim dana bilər?
 Şamo Ziya.

****

Elə divarlar aşmışıq,
Qardaş, ölüm nəmənədi?
Elə yüklər daşımışıq
Qardaş, ölüm nəmənədi?

Ölüm nədi? – Adi divar,
Həllac Mənsur var, Hadi var,
Fağır ölümün adı var,
Qardaş, ölüm nəmənədi?

Sevənlər aşiq olmasa,
Qan bircə qaşıq olmasa,
Bu arvad-uşaq olmasa,
Qardaş, ölüm nəmənədi?

Güllər, çiçəklər dərmişik,
Guya pünhana sərmişik.
Məqbəri bizlər hörmüşük,
Qardaş, ölüm nəmənədi?

Doğru-düzünə yaşasan,
Halal sözünə yaşasan,
Ömrü özünə yaşasan,
Qardaş, ölüm nəmənədi?