Hər birimizin yaşadığı o klassik an: Pultu işləmə, vururuq və birdən işə düşər. Bəs bu "vurmaq üsulu" həqiqətən işə yarayır, yoxsa sadəcə bir təsadüfdür?
Pultlar çox az elektrik cərəyanı istifadə edən cihazlardır və bu səbəbdən içlərindəki batereyalar çox zaman uzun müddət istifadə edilmədən gözləyir. Lakin bu gözləmə müddəti batereyanın təmas nöqtələrində oksidləşmə adı verilən bir qatın yaranmasına səbəb olur. Bu qat, pultun düymələrinə basdığınızda elektrik cərəyanının düzgün ötürülməsini əngəlləyir və pultun cavab verməməsinə yol açır.
Xüsusilə aşağı cərəyanla işləyən pultları, oksid qatını keçməkdə çətinlik çəkir. Kamera kimi daha yüksək cərəyan çəkən cihazlar bu qatdan keçə bilsə də, pultlar bunu bacarmır.
Sadə, amma effektiv üsulun texniki bir adı da var: "Percussive Maintenance" və ya "Vuraraq qulluq". Bu üsul sadəcə elektron cihazı vurub işlətməyə çalışmaq məqsədini güdür.
Pulta vurduğunuzda, əslində içindəki batereya əlaqə nöqtələrini yüngülcə yerindən oynadaraq oksidləşmə qatının bir hissəsini aşındırırsınız. Beləliklə, cərəyan yenidən sağlam şəkildə ötürülməyə başlayır.
Hətta batereyanı yuvasında çevirərək və ya çıxarıb yenidən taxaraq daha yaxşı bir əlaqə təmin edə bilərsiniz. Lakin ciddi zədələnmiş əlaqələrdə bu üsulun işləməyəcəyini də qeyd etməkdə fayda var.
92
