Pakistana uçan təyyarə Bakıya təcili eniş etdi - Ölən var

Türkiyədən Pakistana uçan təyyarədə sərnişinin ölməsi səbəbindən hava gəmisi Bakıya məcburi eniş edib.

Qlobal.net qafqazinfo-ya istinadən xəbər verir ki, İstanbuldan Pakistanın Lahor şəhərinə uçan təyyarədə sərnişin qismində olan 1951-ci il təvəllüdlü Pakistan vətəndaşı Parveen Nusraat ölüb.

Bu səbəbdən TK0714 reysi ilə hərəkət edən təyyarə Heydər Əliyev adına Beynəlxalq Hava Limanına məcburi eniş edib.

Hazırda faktla bağlı Xəzər Rayon Prokurorluğunda araşdırma aparılır.