Türkiyəli Daxili Xəstəliklər Mütəxəssisi Dr. Özkan Akyol orucun iltihabı azaltdığını və xərçəng hüceyrələrinin çoxalma sürətini yavaşlatdığını açıqlayıb.
Qlobal.net bildirir ki, həkim qeyd edib ki, bu cür qidalanma nümunələrinin hüceyrə səviyyəsində yenilənmə
proseslərini dəstəkləyərək ümumi sağlamlıq üçün uzunmüddətli faydalar təqdim
edir.
Akyol oruc tutmaqla yanaşı sağlam həyat tərzi vərdişlərinin mənimsənilməsinin
fiziki və ruhi rifahı artıra biləcəyini də əlavə edib.
Orucun sağlam insanlarda faydalarından bəhs edən Dr. Özkan Akyol "Oruc, həzm sisteminin dincəlməsinə imkan verərək kalorilərin daha sağlam
şəkildə yandırılmasına kömək edir. Xüsusilə həzm sistemi sağlamlığı zəif olan
insanlarda oruc, qidaların enerjiyə çevrilməsinə və yağların parçalanmasına əhəmiyyətli
dərəcədə töhfə verir. Müntəzəm oruc tutmaq metabolik sağlamlığa faydalı olmaqla
yanaşı, bağırsaqların sağlam fəaliyyətinə də kömək edir" deyib.
Mütəxəssis Dr. Akyol Ramazan ayının sağlamlığa iki əsas faydası olduğunu
bildirib: həzm sistemi və psixoloji faydalar. Oruc zamanı yığılan yağlar yağ
hüceyrələri vasitəsilə yandırılır, sağlam arıqlama isə bu proseslə baş verir.
Az kalorili qida qəbul edərək bu nəticəyə çatmaq mümkündür. Elmi araşdırmalar
insulinin oruc zamanı sağlamlıq üzərində müsbət təsir göstərdiyini ortaya
qoyub.
Dr. Akyol orucun bədəni yenilədiyini və beyində yeni kök hüceyrələrin
yaranmasını dəstəklədiyini qeyd edir. Oruc Parkinson və Alzheimer kimi xəstəliklərə
qarşı qoruyucu ola bilər, immunitet sistemini gücləndirir, sərbəst radikalların
zərərlərini aradan qaldırır və xərçəng hüceyrələrinin yayılmasını yavaşlatır. Həmçinin,
həzm sistemini təmizləyərək qaraciyər və böyrəklərdəki toksinləri aradan
qaldırır və dərini yeniləyir.
Səbinə
Qlobal.net
33
