Reddit istifadəçisi anonim olaraq oğlunun toyuna məhəl qoymadığını və gecəni onun keçmiş həyat yoldaşı ilə keçirməyə üstünlük verdiyini bildirib.
Kişi şərhçilərin fikrini öyrənmək üçün öz hekayəsini Am I The Asshole subredditində (“Mən əclaf deyiləmmi?”) yayımlayıb.
Ata oğlunun özünü düzgün aparmadığına və keçmiş həyat yoldaşına hörmət etmədiyini iddia edir. Onun sözlərinə görə, oğlu 19 yaşında ikən ailə qurub. Həmin vaxt atası bəyin hələ də uşaq olmasından narahat olub. Bir il sonra cütlüyün ilk, 16 aydan sonra isə ikinci uşaqları dünyaya gəlib. “İkinci uşaq dünyaya gələndən sonra oğlum həyat yoldaşından ayrıldı. Bilirəm ki, hər hekayənin iki tərəfi var, amma oğlumu tanıyıram, ona görə də ona inandım”, - kişi yazıb.
Ata oğlu ilə evliliyi ilə bağlı dəfələrlə danışmağa çalışdığını vurğulayıb. O, oğlunun probleminin nə olduğunu bilavasitə dilə gətirsə də, məsuliyyəti üzərinə götürməkdən imtina edib və hər şeydə arvadını günahlandırıb.
Bir il sonra arvad boşanmaq üçün məhkəməyə müraciət edib. Üç gün sonra oğul yeni sevgilisi olduğunu bildirib. Bir ay sonra nişanlandıqlarını elan ediblər. Keçmiş gəlin uşaqları böyütmək üçün evdə oturan ana olub və keçmiş ərinin valideynləri onu dəstəkləmək üçün hətta ona mənzil də alıblar.
“Boşanma qanuni olaraq yekunlaşmamışdan əvvəl toya dəvət aldıq. Oğluma xəbər verdim ki, mən gəlməyəcəm, xeyir-duamı almayacaqlar. Anası dedi ki, mənim gəlişimə baxacaq. Amma mən israrlı idim. Uşaqlarının anasına hörmət edərək gəlini evimizə gətirməməsini xahiş etdim”, - kişi yazıb.
Sonda atası və bacısı toya gəlməsə də, anası gəlib nəvələrini də özü ilə aparmaq qərarına gəlib.
“Qızım və mən axşamı onun keçmiş həyat yoldaşı ilə keçirməyə qərar verdik. Uşaqları atalarının toyunda əylənərkən onun necə tək oturduğunu təsəvvür edə bilmirdim”, - kişi vurğulayıb. O, gəlinin onunla qalmaq qərarına gəlmələrinə təəccübləndiyini bildirib. Qayınatası onu həmişə ailənin üzvü hesab edəcəyini deyib.
Səhəri gün oğlu ona zəng edərək toyuna gəlmədiyi üçün dəhşətli ata olduğunu deyib. Bir neçə gün sonra atasının həmin axşamı keçmiş həyat yoldaşı ilə keçirdiyini öyrənib. "O dedi ki, bu, xəyanətin ifrat formasıdır", - kişi əlavə edib.
İstifadəçilər şərhlərdə ataya dəstək ifadə ediblər. (lent.az)
5994
