22 yaşlı türkiyəli futbolçunun özündən 10 yaş böyük qadınla nişanlanması söz-söhbət yaradıb.
Qlobal.net xəbər verir ki, "Trabzonspor"da forma geyinən 22 yaşlı Enes Destan özündən 10 yaş böyük məşqçi Arzum Kuruçalı ilə evlilik yolunda ilk addım atıb.
Oğlanın anası Arzum ilə bağlı qalmaqallı sözlər deyib. O, yaş fərqini məsələsini qabardaraq gəlinini ikiüzlü adlandırıb.
"Əgər özündən 10 yaş kiçik biri ilə evlənmək istəyirdisə, adi fabrikdən və ya başqa peşələrdən özünə həyat yoldaşı seçə bilərdi, məqsədi aydındır. Mənim oğlumun seçdiyi gəlin xanımın geyiminə baxın. Heç bir şəkildə yaraşdırmıram. Nə fiziki olaraq, nə həyat tərzi olaraq, nə də yaş olaraq bizim seçmədiyimiz gəlin namizədidir. Dəfələrlə bu işin olmayacağını danışdığımız halda, gəlin xanım elə oğlumun yaxasından yapışıb."
Enis Destan kimdir?
2002-ci ildə İzmir şəhərində dünyaya gələn Enis Destan hazırda "Trabzonspor" klubunun formasını geyinir. Karyerasına "Altınordu"da başlayan futbolçu 2020-ci ildə əsas komandaya yüksəlib. 2021-ci il fevralın 12-də Ankaraspor ilə keçirilən səfər oyununda 2 qol vurub və 1 asist edib. 2022-ci il yanvarın 24-də 600 min avro transfer haqqı ilə Trabzonspora keçib. (milli.az)
644
