Maşın təkərləri niyə ancaq qara olur?

Heç maşın təkərlərinin niyə həmişə qara rəngdə olduğunu düşündünüzmü?

Qlobal.net bildirir ki, əvvəllər ağ rəngdə idi, amma indi yalnızca qara rəngdə görməyə öyrəşmişik. Səbəbi isə təkərin davamlılığını təmin edən xüsusi bir tərkibdə gizlidir!

Əvvəllər təkərlər təbii kauçukun ağ rəngində idi. Kauçuk, ağaclardan toplanan lateks şəklində əldə edilən ağ rəngli bir mayedir və təkər istehsalı üçün bərkidilərək kauçuk təbəqələrinə çevrilir.

Yəni əslində təkərlərin orijinal rəngi qara deyil, ağ idi. Lakin zamanla, təkərlərin davamlılığını artırmaq məqsədilə “karbon qara” adlı bir maddə istifadə edilməyə başlandı.

Karbon qara, kömür və neft kimi fosil yanacaqların nəzarətli şəkildə yandırılması nəticəsində əldə edilən incə bir qara tozdur. Kimyəvi dolğu olaraq istifadə edildikdə, təkər kauçukunun aşınma müqavimətini və çəkilmə dayanıqlığını artıraraq təkərin ömrünü uzadır.

Karbon qara olmadan istehsal edilən bir təkər, təxminən 8.000 km-dən sonra aşınmağa başlayardı, bu da ildə bir neçə dəfə təkər dəyişimi demək olardı.

Lakin karbon qara sayəsində müasir təkərlər 80.000 km-yə qədər dayana bilir. Bundan əlavə, karbon qara, ultrabənövşəyi (UV) şüalara qarşı da qoruma təmin edir və təkərin günəş işığına məruz qalması nəticəsində çatlamasının qarşısını alır.

Bəzi təkər istehsalçıları, ekoloji cəhətdən təmiz və davamlı materiallarla hazırlanan yeni nəsil təkərlər üzərində işləyirlər. Məsələn, Michelin-in Vision konsept təkəri, mərcan bənzəri quruluşu və mavi rəngi ilə diqqət çəkir.

%100 geri dönüşdürülə bilən bu təkər; kauçuk, bambuk, melas və portağal qabığından hazırlanan ekoloji cəhətdən təmiz bir dizayna malikdir. Bundan əlavə, 3D printerlə dərhal təmir oluna biləcək şəkildə dizayn edilib.