"Vaxt var idi, bizdən əvvəl müğənnilər əlçatmaz idilər. Bu gün isə onlar yoxdurlar, yerlərinə gənc ifaçılar gəlib. Mən bilsəm ki, sevilmirəm və məni toylara çağırmırlar həmin gün bu sənətdən uzaqlaşaram. Urvatlı və hörmətli qalmaq istəyirəm". 

Qlobal.net bizim.media-ya istinadən bildirir ki, bu sözləri müğənni Manaf Ağayev qonaq olduğu "Gül kimi şou" verilişində deyib. 

Sənətçi bildirib ki, bəzi həmkarları öz hərəkətləri ilə bu sənəti hörmətsiz edib: "Toya şah və kişi kimi hörmətli getməlisən. Nə məcburdur axı, oxuya bilmirsən, məclislərə məcburən, zorla gedirsən. Rayona məclisə getmək üçün deyir ki, mənə qoyun yollayın. Belə düşük-düşük şeylər edir. Axı, sən hörmətli, dəbdə olmusan, hamı səni sayıb. Elə də qal da... Deyirlər ki, hər qoyunu öz ayağından asarlar. Hərə özünə cavabdehdir. Amma bu sənət getdikcə hörmətdən düşür".