Kişiləri ram etmək ifadəsi bir çox qadın üçün maraqlı və sirli mövzulardan biridir. Burada söhbət manipulyasiya və ya nəzarətdən yox, bir kişinin sevgisini, diqqətini və hörmətini qazanmaqdan gedir. Hər kişi fərqli xarakterə malik olsa da, onların psixologiyasına təsir edə biləcək bəzi universal üsullar var.
Qlobal.net bildirir ki, əgər bir kişinin həyatında qalıcı iz buraxmaq və onu özünə bağlamaq istəyirsənsə, aşağıdakı prinsiplərə diqqət yetir.
Kişilər özünəinamı yüksək olan qadınlara daha çox maraq göstərirlər. Özünə güvənən qadın onların gözündə daha dəyərlidir. Cazibədar olmaq isə təkcə zahiri görünüşlə məhdudlaşmır. Ağıllı, müdrik və şən olmaq da cazibədarlığın bir hissəsidir.
Kişilər düşündüklərindən daha çox dəyər verilməsini və anlaşılmağı istəyirlər. Onun fikirlərini, planlarını, xəyallarını diqqətlə dinləyərək ona verdiyin dəyəri göstərə bilərsən. Dərin və maraqlı söhbətlər onun sənə daha çox bağlanmasına səbəb ola bilər.
Bir kişi nə qədər bir qadını sevsə də, azadlığını tamamilə itirmək istəməz. Ona şəxsi sərbəstliyini verməklə, eyni zamanda sənin yanında olmağı istəyəcək qədər cəlbedici və maraqlı bir şəxs ol.
Kişilər onların xəyallarını, məqsədlərini və uğurlarını dəstəkləyən qadınları sevirlər. Əgər bir kişi çətinlik yaşayırsa, onu motivasiya et və ona inandığını göstər. Beləliklə, o, ən güclü dəstəkçisinin sən olduğunu anlayacaq.
Hər qadının özünəməxsus cazibəsi var. Bu, bəzən səs tonu, bəzən baxışlar, bəzən də düşüncə tərzi ola bilər. Öz fərqliliyini qorumaq və onu xüsusi hiss etdirmək kişinin sənə olan marağını daim yüksək saxlayacaq.
Kişilər təkcə sözlə deyil, toxunuşlarla da sevildiklərini hiss edirlər. Kiçik, incə jestlər – əlini tutmaq, saçına toxunmaq və ya onu qucaqlamaq – onun sənə daha çox bağlanmasına kömək edəcək.
Bir kişinin yanında olmaq üçün yalnız gözəl görünmək kifayət deyil. Düşüncəli və ağıllı bir qadın olmaq, onun səni yalnız sevgili kimi deyil, həm də ən yaxın dostu kimi görməsinə səbəb olar. Kişilər maraqlı, müzakirə edə biləcəkləri və dünyagörüşü geniş qadınlara həmişə dəyər verirlər.
Qadınlar bəzən sevdikləri kişini itirmək qorxusu ilə həddindən artıq qısqanclıq və nəzarət göstərirlər. Amma unutma ki, bu, onu sənə daha çox bağlamaq əvəzinə uzaqlaşdıracaq. Əgər sənə güvənirsə və öz azadlığını hiss edirsə, daha çox sənin yanında qalmaq istəyəcək.
Kişilər təriflənməyi və dəyərləndirilməyi sevirlər. Onun yaxşı xüsusiyyətlərini vurğulamaq, kiçik uğurlarını qeyd etmək və onu motivasiya etmək kişinin özünü daha dəyərli hiss etməsinə və sənə bağlanmasına səbəb olar.
Kişilər həmişə yeni şeylər kəşf etməyi sevirlər. Əgər daim eyni mövzularla, eyni davranışlarla davam etsən, o, zamanla darıxa bilər. Özündə hər zaman yeni bir tərəf açmaq və sirli qalmaq kişinin marağını daim yüksək saxlayacaq.
Kişilər, onları hər şeyin mərkəzinə qoyan, həyatını tamamilə onlara həsr edən qadınlardan çox, öz həyatı olan, şəxsi maraqları və hədəfləri olan qadınlara daha çox cəlb olunurlar. Onunla maraqlı vaxt keçirmək gözəldir, amma öz karyeran, hobbilərin və dost çevrən də olmalıdır.
Kişiləri ram etməyin sirri, onların qəlbinə və düşüncəsinə təsir edə bilməkdədir. Bu, sevgi, hörmət, azadlıq və diqqətin harmoniyasına əsaslanır. Əgər bu balansı düzgün qura bilsən, sevdiyin kişi səni təkcə sevgi ilə deyil, həm də hörmət və ehtiramla sevməyə davam edəcək.
Fidan
Qlobal.net
39
