İki həftəyə yaxın kirayəçilərindən xəbər ala bilməyən ev sahibi mənzilə girərkən dəhşətli mənzərə ilə qarşılaşıb.

Hadisə İstanbul Sultanqazi məhəlləsində baş verib.

Belə ki,  ev sahibi evini təmizləmək və əşyaları çıxarmaq üçün evə daxil olub. Evdən gələn pis qoxunun səbəbini araşdıran ev sahibi çarpayının bazasında  yorğana bükülmüş qadın cəsədi tapıb.

Həyatının şokunu yaşayan qadın dərhal polisə müraciət edib.Hadisə yerinə  polis və tibb işçiləri sövq edilib.

 Qətlin təxminən iki həftə əvvəl törədildiyi bildirilib.

Məlumata görə, evdə əcnəbi əsilli ər-arvad və oğulları yaşayıb və onların 10 gün əvvəl evi tərk etdiyi iddia edilib.

Polis evi tərk edən əcnəbi vətəndaş və oğlunun axtarışına başlayıb. (Medianews.az)