Kawasaki xəstəliyi orta ölçülü damarlarda iltihabla səciyyələnən qəfil
başlayan xəstəlikdir. Xəstəlik xüsusilə koronar damarlara təsir göstərir.
Qlobal.net bildirir ki, Kawasaki xəstəliyi inkişaf etmiş ölkələrdə qazanılmış ürək xəstəliklərinin
ən çox yayılmış səbəbidir.
Bu damarlarda meydana gələn iltihaba vaskulit deyilir. İltihab əsasən ürəyin
qida və oksigen təchizatından məsul olan koronar arteriyalara təsir göstərir.
Damarlarla yanaşı limfa düyünlərini də təsir edə bilən bu xəstəlikdə burun,
ağız və boğaz selikli qişası ilə bağlı şikayətlər meydana gələ bilər.
Əksər hallarda xəstəlik müalicədən sonra bir neçə gün ərzində yaxşılaşır və
xəstəlik nadir hallarda təkrarlanır. Müalicə edilməzsə, ciddi ürək xəstəliklərinə
səbəb ola biləcəyi üçün ehtiyatlı olmaq lazımdır.
Xəstəliyin əlamətləri:
1)Üç gündən çox davam edən və dərman müalicəsinə çox reaksiya verməyən yüksək
hərarət (39 dərəcədən yuxarı).
2)Gözlərdə axıntı olmadan qızartı.
3)Dəridə sinədən ayaqlara, qasıqda və genital bölgədə yayılan səpgi.
4)Əllərdə və ayaqlarda şişlik və qızartı.
5)Xüsusilə boyunda böyümüş limfa düyünləri.
6)Qıcıqlanmış boğaz, ağız və dodaqlar.
7)Çiyələk dili görünüşü.
Xəstəlik niyə olur?
Kawasaki xəstəliyinin səbəbi tam məlum deyil. Xəstəliyin yaranmasında ailə
meylindən əlavə, viruslar və kimyəvi maddələr kimi ətraf mühit faktorlarının da
rol oynadığı düşünülür. Xəstəliyin başlanğıcında qıcıqlandırıcı faktorun çox
güman ki, tənəffüs yolu ilə bədənə daxil olan bir yoluxucu agent olduğu
düşünülür. Bu qarşılıqlı təsirdən sonra immun hüceyrələr aktivləşir və müxtəlif
kimyəvi maddələr istehsal etməyə başlayır.
Səbinə
Qlobal.net
16
