Hansı bitki çayı nəyə faydalıdır?

Bitki çaylarının sağlamlığa bir çox müsbət təsiri var. Həkim icazəsi ilə lazımi miqdarda istehlak edilən bitki çayları bir çox problemi həll etməyə kömək edir.

Qlobal.net bildirir ki, Lakin hər bitkinin çayı içilə bilməz. Bəzi bitkilər insan orqanizmi üçün zərərli və ya hətta zəhərli ola bilər.

1. Zəncəfil çayı: Həzmi asanlaşdırır.

Zəncəfil təkcə ədviyyat kimi deyil, həm də həzm problemləri, ürəkbulanma, qan dövranı və artritə qarşı faydalı bitki çayı kimi istifadə olunur. Hamiləlik zamanı səhər bulantılarını və səyahət zamanı hərəkət xəstəliyini azalda bilər. Anesteziya və dərmanlardan yaranan ürəkbulanmanı yatırtmaq üçün də təsirlidir. Öd artırıcı xüsusiyyəti ilə yağlı qidaların həzmini asanlaşdırır. Limon və bal əlavə edildikdə isə soyuqdəymə, boğaz ağrısı və öskürəyə qarşı faydalıdır.

2. Yaşıl çay: Xərçəngə qarşı.

Yaşıl çay yüksək antioksidan tərkibi ilə immun sistemini gücləndirir və xərçəng riskini azalda bilər. Digər çay növlərindən daha az kofein ehtiva edir və maddələr mübadiləsini sürətləndirərək arıqlamağa kömək edir. Araşdırmalar göstərir ki, yaşıl və qara çay artrit, infeksiya, ürək-damar xəstəlikləri və osteoporoz riskini azaltmağa da təsirlidir.

3. Şüyüd çayı: Qaz problemlərinə kömək edir.

Şüyüd çayı böyüklərdə və körpələrdə qaz və spazm problemlərini aradan qaldırır, həzm sistemini rahatlaşdırır. Süd verən analarda süd miqdarını artırmağa kömək edir. Soyuqdəymə, boğaz ağrısı və öskürəyə qarşı təsirlidir, bəlğəmgətirici və sakitləşdirici xüsusiyyətlərə malikdir.

4. Mixək çayı: Diş çürüməsinin qarşısını alır.

Mixək çayı ağız qoxusunu aradan qaldırır, diş çürüməsinə qarşı təsirlidir və antiseptik xüsusiyyəti ilə mikrobları məhv edir. Ürəkbulanma, qaz, ishal və qarın ağrılarına qarşı faydalıdır. Fiziki və ruhi yorğunluğu azaldır, bədən müqavimətini artırır.

5. Lindən: Soyuq havalara qarşı qoruyucu.

Lindən çayı qrip, öskürək və boğaz infeksiyalarına qarşı təsirlidir, bədənin müqavimətini artırır. İltihab əleyhinə və ağrıkəsici xüsusiyyətləri ilə boğaz qıcıqlanmasını aradan qaldırır. Qızdırmasalıcı, əzələ rahatladıcı və sakitləşdirici təsiri sayəsində stressi və narahatlığı azaldır.

6. Qızılotu çayı: Həzmsizlik və qaz şikayətlərinə qarşı.

Qızılotu çayı öd axınını artırır, spazmları aradan qaldırır və həzmi asanlaşdırır. Menstruasiya ağrılarını azaltmağa, ödemi aradan qaldırmağa və bədəni təmizləməyə kömək edir. Qızdırmasalıcı, tər salıcı və sidikqovucu xüsusiyyətlərə malikdir. Hamiləlik zamanı istifadəsi tövsiyə olunmur.

7. Böyürtkən çayı: Diş ətinin qanamasına qarşı.

Böyürtkən çayı ishalı azaldır və ağız-boğaz şikayətləri ilə diş ətinin qanamasını aradan qaldırmağa kömək edir. Tərkibindəki tanen sayəsində toxuma və damar büzücü təsir göstərir, qanaxmanı dayandırır.

8. Heyva çayı: Öskürəyə qarşı.

Heyva çayı öskürəyin sakitləşdirilməsində faydalıdır. Toxumlarında olan siyanogen qlikozidlər sakitləşdirici təsir göstərir. Lakin, tövsiyə olunan miqdardan çox istifadə edilməsi zəhərlənməyə səbəb ola bilər, buna görə ehtiyatla istifadə olunmalıdır.

9. Anis çayı: Mədə pozğunluğuna qarşı.

Anis çayı həzmsizlik, iştahsızlıq və ürəkbulanma kimi problemləri aradan qaldırır, həmçinin soyuqdəymə və tənəffüs sistemi pozğunluqlarında köməkçi təsir göstərir. Öskürəkdə bəlğəmin çıxarılmasına kömək edir, menstrual ağrıları azaldır və yuxusuzluqdan əziyyət çəkənlərə dəstək olur. Süd verən anaların südünü artırır və körpələrdə qaz ağrılarını azaldır.

10. Adaçayı: Soyuqdəymə zamanı təsirlidir.

Adaçayı mədə pozğunluğu, iştahsızlıq və bulantıları aradan qaldırır. Soyuqdəymə zamanı tərləməni azaldır və öskürəyə yaxşı təsir göstərir. Ağız-boğaz infeksiyaları və ağrılarda da faydalıdır. Menopoz simptomlarını yüngülləşdirə bilər. Tərkibindəki “cineol” maddəsi öskürəyə qarşı təsirlidir və həkim nəzarətində istifadə oluna bilər.

11. İtburnu çayı: C vitamini mənbəyidir.

İtburnu çayı soyuqdəymə zamanı faydalıdır və yüksək C vitamini mənbəyidir. Sidikqovucu xüsusiyyətləri ilə böyrək daşlarının keçməsinə kömək edir. İltihab əleyhinə təsiri və C vitamini sayəsində revmatizm və podaqra şikayətlərini yüngülləşdirir. Həmdə, öd şikayətləri, kolik ağrıları və mədə şirəsi çatışmazlığına qarşı da təsirlidir. Arıqlama diyetlərində bədən ödemini azaldır.

Səbinə

Qlobal.net