Hamam dəsmallarını neçə gündən bir yumaq lazımdır?

Böyük Britaniyada böyüklər arasında keçirilən sorğuda insanların 44 faizi hamam dəsmallarını hər üç aydan bir yuduqlarını bildirib.

Qlobal.net bildirir ki, duş şirkətləri tərəfindən 2200 böyüklər arasında aparılan sorğuda dəsmalların yuyulma tezliyi ilə bağlı aşağıdakı nəticələr əldə edilmişdir:

İştirakçıların beşdə biri dəsmallarını ayda bir dəfə, dörddə biri həftədə bir dəfə, 20 nəfərdən biri isə hər vanna və ya duşdan sonra dəsmallarını yuyub.

Niyə tez-tez yuyulmaq lazımdır?

Dəsmalları ən azı həftədə bir dəfə yumaq lazımdır. Təmiz görünsələr belə, zaman keçdikcə milyonlarla mikrobla çirklənəcəklər və birlikdə yaşadığınız insanların sağlamlığı üçün ciddi təhlükə yarada bilərlər. Dəsmalları mütəmadi olaraq yumasanız, onların üzərindəki orqanizmlərin sayı artacaq.

Əgər üzünüzdə və ya bədəninizdə sızanaqlar və ya saç köklərinin iltihabı olan birisinizsə, dəsmalınızı tez-tez yumalısınız.

Üz və bədən dəsmalını ayırın.

Bədən dəsmalı dəri ilə daha geniş təmasda olur və tər, ölü dəri hüceyrələri, həmçinin bədəndəki bakteriyalar orada toplanır. Bu dəsmalı üz üçün istifadə etdikdə, həssas üz dərinizə mikroblar keçə bilər və sızanaq, qızartı kimi dəri problemlərinə səbəb ola bilər.

Səbinə

Qlobal.net