Gənc cütlüyün meyiti tapıldı – 1 həftədir axtarılırdı

Rusiyada Saratovdan olan cütlük sirli şəkildə yoxa çıxıb.

Qlobal.net xarici KİV-lərə istinadla bildirir ki, onların itməsi xəbərindən 1 həftə sonra Volqa çayının sahilində meyitləri tapılıb. Dostları onların qaçırıldığını düşünür və hüquq-mühafizə orqanları qətli araşdırır.

21 yaşlı Denis və 19 yaşlı Violetta 26 noyabrda görüşüblər və davamlı görüşməyə başlayıblar. Bir neçə gün sonra, nədənsə Violetta telefon nömrəsini dostuna verib və Denisin yanında qalmağa gedib. Bundan sonra cütlük yalnız bir dəfə – Saratovda Moskva və Volskaya küçələrinin kəsişməsində görünüb.

Cütlüyün axtarışı bir həftə davam edib və bu gün cəsədləri tapılıb. İlkin məlumatlara görə, cütlüyün münaqişə tarixçəsi olmayıb; qız qılıncoynatma həvəskarı, oğlan isə rəssam olub və o, həmçinin rep oxuyub. Dostlarının sözlərinə görə, cütlük qaçırılmış ola bilər. Hüquq-mühafizə orqanları qətl maddəsi ilə cinayət işi açıb.

Murad Məmmədli
Qlobal.net