Amerikalı yazıçı, sevgi romanlarının və “Ərini necə öldürməli” mövzusunda onlayn esse müəllifi ərini öldürdüyü üçün ömürlük həbs cəzasına məhkum edilib. 

Qlobal.net xəbər verir ki, bu barədə "Associated Press" məlumat yayıb .

Mayın 25-də Oreqon məhkəməsi 71 yaşlı Nancy Crampton Brophynin lehinə iki aylıq mühakimədən sonra qərar çıxarıb. Hökm 25 il həbsdən sonra şərti azadlığa buraxılma imkanını nəzərdə tutur.

Prokurorlar belə qənaətə gəliblər ki, 2018-ci ildə maliyyə problemləri fonunda bir qadın 63 yaşlı əri Den Brofini aşpaz işlədiyi Oreqon Kulinariya İnstitutunda güllələyib. Bu hadisə cinayətdən bir neçə il əvvəl Crampton Brophy tərəfindən yazılmış onlayn esse ilə rezonans doğurub. Amma esse məhkəmədə sübutlar arasında olmayıb.

BBC-nin məlumatına görə, polis qətl yerində silah tapmayıb, lakin müəyyən edilib ki, yazıçı eyni marka və modeldə silah alıb və cinayət zamanı onu institutun girişində müşahidə kameraları qeydə alıb. Crampton Brophy özünü təqsirli bilməyib və kitab üzərində işləmək üçün silah aldığını bildirib. Eyni zamanda, o, cinayət zamanı institutun yaxınlığında olduğunu inkar etməyib. (publika.az)