"Başakşehir"in baş məşqçisi Emre Belözoğlu Türkiyədə baş verən zəlzələdən zərərçəkənlərə dəstək olub.
Qlobal.net xəbər verir ki, 42 yaşlı mütəxəssis "Türkiyə Tek Yürek" kampaniyasına qoşulub.
Kampaniya çərçivəsində Superliqada mübarizə aparan 4 böyük klubun prezidentləri Dursun Özbek ("Qalatasaray"), Ahmet Nur Çebi ("Beşiktaş"), Ali Koç ("Fənərbaxça") və Ahmet Ağaoğlu ("Trabzonspor") zəlzələdən zərəçəkənlər üçün hazırlamış proqramda canlı yayımda yardım toplayıblar.
Aksiyaya qoşulanlar arasında Emre Belözoğlu da var. O, "Hall Siti"nin prezidenti Acun Ilıcalı vasitəsi ilə bu mövsüm üçün aldığı maaşın hamısını kampaniyaya bağışladığını açıqlayıb. Ilıcalı canlı yayımda "Emre Belözoğlu bumövsümkü bütün maaşını zəlzələ bölgələrində zərərçəkənlər üçün xərcləyəcəyini bildirib" - deyə qeyd edib.
Qeyd edək ki, "Türkiyə Tek Yürek" proqramında təxminən 2 saatlıq müddətdə 100 milyard Türk lirəsindən çox yardım toplanıb.
214
