Paris-2024 Yay Olimpiya Oyunlarında Türkiyəyə atıcılıq yarışlarında gümüş medal qazandıran Yusuf Dikeç dünyanın gündəmi olub.
Qlobal.net "qafqazinfo"ya istinadən xəbər verir ki, buna səbəb onun 10 metr məsafəyə pnevmatik tapançadan atış zamanı qulaqlıqdan və xüsusi eynəkdən istifadə etməməsi olub.
51 yaşlı idmançı əlini cibinə qoyaraq atış edib və Olimpiadanın gümüş medalına sahib olub.
Yusuf Dikeç Türkiyə polis orqanlarında işləyib. Bundan öncə isə 4 dəfə Olimpiya Oyunlarına qatılıb. Lakin heç birində uğurlu ola bilməyib.
Paris-2024-dən əvvəl isə o, bu dəfə hədəfinə çatacağını və Olimpiadada medal qazanacağını bildirib. O, istəyinə çataraq medalçılar sırasına düşə bilib.
656
