Dövlət Təhlükəsizliyi Xidmətinin (DTX) əməkdaşları Ermənistan Xüsusi xidmət orqanlarının Azərbaycanda planlaşdırdığı xüsusi əməliyyatı ifşa ediblər.
Qlobal.net xəbər verir ki, bu barədə REAL TV-nin “Mir Şahinin vaxtı” verilişində məlumat verilib.
Bildirilib ki, Dövlət Təhlükəsizliyi Xidmətinin yüksək peşəkarlıqla ifşa etdiyi erməni xüsusi xidmətlərinin əməliyyatının mərkəzində azyaşlı, şərti adı Fidan kimi göstərilən azərbaycanlı qız durub. O, Ermənistan xüsusi xidmət orqanlarının tərtib etdiyi ssenariyə uyğun olaraq revanşist qüvvələrin, erməni faşistlərin əlində oyuncağa, hətta Njde Qareginin təbliğatçısına çevrilib.
Fidana radikal, nasist Haytarakan qrupunun aparıcı siması Artur Martirosyan və onun tərəfdarları müxtəlif təyinatlı tapşırıqlar verib. Yeniyetmə qızın aldığı ilk tapşırıq Qaregin Njdenin şəklini əlində tutaraq öz təsvirini çəkmək, özü də bunu Bakıda, insanların daha çox olduğu ünvanlarda etmək olub. Onlar bununla da kifayətlənməyiblər. Fidandan hər dəfə daha artıq təxribat xarakterli hərəkətlər etməsini istəyiblər.
Bununla da bir daha görünür ki, erməni xüsusi xidmət orqanlarının hədəfi əsasən sosial şəbəkələr və gənc nəsildir. Odur ki, bu cür qüvvələrin təsiri altına düşməmək üçün xüsusilə gənclər ehtiyatlı olmalı, şübhə doğuran hər hansı məqam haqqında hüquq-mühafizə orqanlarına məlumat verməlidirlər.
Sözügedən reportajı təqdim edirik:
285
