Dəri xarici mühitlə daim təmasda olur; Allergenlər, fiziki amillər, iqlim şəraiti, mikrob agentləri və bir çox digər ətraf mühit faktorları ilə qarşılıqlı təsir göstərir.

Qlobal.net bildirir ki, bir çox dəri xəstəliklərində görülən simptomlar bir-birinə bənzəyir. Bu, gecikmiş diaqnoz və yanlış müalicə üsulları kimi bəzi mənfiliklərə səbəb ola bilər.

Zona (Varicella-Zoster): Zona, Varicella-Zoster virusunun tək bir sinir və ya onun idarə etdiyi dəri səthini yoluxdurmasıdır. Əvvəllər suçiçəyi keçirmiş hər kəs zona ola bilər, lakin bu virusa məruz qalmayanların yoluxma ehtimalı azdır. Əlamətlər əsasən yanma, qıcıqlanma, qaşınma və sancma ilə başlayır. Bəzi hallarda ağrılar olduqca şiddətli olur.

Sızanaq: Sızanaqlar dəri altında yağ bezlərinin və tük köklərinin tıxanması nəticəsində yaranır. Bədən sebum istehsalını artırır, ölü hüceyrələr məsamələrdə ilişir və ağ-qara nöqtələr əmələ gəlir. Bakteriyaların burada çoxalması sızanaqlara səbəb olur.

Eqzema: Eqzema (atopik dermatit) quru, pullu lezyonlar və güclü qaşınma ilə müşayiət olunan xroniki dəri xəstəliyidir. Cızmaq qızartı, dərinin qalınlaşması və açıq yaralara səbəb ola bilər. Qaşınma yuxu problemləri, yorğunluq və gündəlik həyat keyfiyyətinin azalmasına gətirib çıxarır.

Övrə (ürtiker): övrə dəridə görünən və qısa müddətdə yox olan, həşərat və ya milçək dişləmələrinə bənzəyən kiçik qırmızı və ya dəri rəngli tuluqlardır. Dəri tökülmələri ola bilər və qaşınma ilə müşayiət olunur. Ürtiker olaraq da bilinən övrə, həyatlarının bir nöqtəsində dünyadakı insanların təxminən 20 faizinə təsir edir.

Sədəf: Sədəf xəstəliyi dəridə pullu, qırmızı ləkələrə səbəb olur və ümumiyyətlə dirsəklərdə, dizlərdə, baş dərisində və kürəkdə görünür. Bəzi xəstələrdə qaşınma və ağrı müşahidə olunsa da, xəstəlik hər kəsdə fərqli şəkildə inkişaf edir və şiddəti dəyişir. Hər yaşda olan insanlarda sədəf xəstəliyi baş verə bilər.

Herpes (uçuq): Dodaqlarda, diş ətlərində, dildə və yanaqların daxili hissəsində ağrılı yaralar olaraq bilinən soyuqdəymələrə herpes simplex adlı virus səbəb olur. Uçuq, Herpes simplex virusunun dəri vasitəsilə ötürülməsi nəticəsində inkişaf edən və həyat boyu təkrarlana bilən viral infeksiyadır.

Səbinə

Qlobal.net