18.04.2021
18:20
44

Deputat: "Uşaqlıqda qarpız, pomidor əkmişəm"

Loading...

“Fermerlər tərəfindən subsidiyaların təyinatı üzrə xərclənməməsi faktı var. Buna görə də İnzibati Xətalar Məcəlləsinə dəyişikliyi normal qəbul edirəm. Məni narahat edən bu dəyişikliyin qəbulundan sonra kənd təsərrüfatı məhsullarının istehsalında yaranan problemdir ki, bu da qıtlığa və bahalaşmaya səbəb ola bilər”.

Qlobal.net
-in xəbərinə görə, bunu deputat Razi Nurullayev deyib.

R.Nurullayev qeyd edib ki, tənbəl fermerlərin də olduğunu qəbul edir: “Bu, işləmək istəyən fermerlər üçün narahatlıq yaradacaq. Çünki onlar subsidiya almaqdan imtina edəcəklər və 10 min hektarlarla əkin sahəsi boş qalacaq. Mən özüm uşaqlıqda qarpız, pomidor, taxıl, meyvə ağacları əkmişəm, piştaxta arxasında da satmışam. Çəkdiyimiz əziyyətə görə 3-5 manat da pul qalırdı. Fermer subsidiya alıb, əkib-becərib, sonra görür ki, məhsul bolluğu yarandı, amma özü qazanmadı, sadəcə, quru nökərçilik qaldı. Düşünməyə başlayır ki, verilən subsidiyanı əkmədən xərcləsin və ya vəsaiti başqa fəaliyyətə yönəltsin. Bu, təbii ki, yolverilməzdir, haqq qazandıra bilmərik. Narahat olduğum məsələ qəbul etdiyimiz dəyişikliyin birtərəfli işləməsidir. Cərimə yükünü bir az azaldaq, məhsul əkənlərə stimul verək. Pambıq əkənlər və ipəkqurdu bəsləyənlər üçün müəyyən stimul var. Hamı pambıq əkmək istəmir axı... Ölkədə ciddi su qıtlığı yaranır, fermerlər gözlədikləri uğuru əldə edə bilmirlər. Stimul nə ola bilər? Fermer nə əkir-əksin, dövlət onu müəyyən etdiyi qiymətə alsın. Fermer baha sata bilirsə, satsın. Sonunda bilsin ki, zəhməti hədər getməyəcək, bazarı olmasa belə, məhsulu dövlət alacaq. Aqrar Sığorta Fondu var, bu, stimuldur, amma kifayət etmir” – R.Nurullayev qeyd edib

Loading...