Vitamin C bədənin müdafiə sistemini dəstəkləyir və xəstəliklərlə daha asan
mübarizə aparmağa kömək edir.
Qlobal.net bildirir ki, C vitamini dərinin, damarların, qığırdaqların və birləşdirici
toxumaların yenilənməsini təmin edir. Dəridə kollagen istehsalını dəstəkləyir.
C vitamini çatışmazlığı ürək problemləri və xərçəng kimi ciddi xəstəliklərə səbəb
ola bilər. Saç və dəri problemlərinə və diş əti xəstəliklərinə də səbəb ola bilər.
Bəs C vitamini ilə zəngin meyvələr hansılardır?
1)Portağal: Portağal yüksək qida dəyəri olan bir meyvədir. Kiçik bir portağal bir
porsiya meyvəyə bərabərdir. 100 qram portağalda 53 mq C vitamini var. Bu nisbət,
bir yetkinin qəbul etməli olduğu gündəlik C vitamini miqdarının 88 faizini
qarşılayır.
2)Qreypfrut: 100 qram qreypfrutda 44 mq C vitamini var. Bu nisbət, bir yetkinin qəbul
etməli olduğu gündəlik C vitamini miqdarının təxminən 73 faizini qarşılayır. C
vitamini ilə yanaşı, qreypfrut karbohidratlar, lif, kalium, A vitamini, kalsium
və dəmirlə zəngindir.
3)Limon: Limon yüksək miqdarda C vitamini ehtiva edir. 100 qram limonun tərkibində
44 mq C vitamini var. Bu nisbət gündəlik tələb olunan C vitamini dəyərinin 73
faizini qarşılayır. C vitamini ilə yanaşı, karbohidratlar, lif, zülal, sağlam
yağ turşuları, A vitamini, kalium, kalsium və dəmirlə zəngindir.
4)Mandarin: 100 qram mandarində 43 mq C vitamini var. Bu nisbət gündəlik alınması
lazım olan C vitamini miqdarının yüzdə 70-ni qarşılayır. Mandarin C vitamini ilə
yanaşı, karbohidratlar, lif, A vitamini, kalium, kalsium və dəmirlə zəngindir.
5)Kivi: 100 qram kivinin tərkibində 60 mq C vitamini var. Bu dərəcə bir yetkinin
gündəlik ehtiyacı olan bütün məbləğə bərabərdir. Kivi həm də fol turşusu, lif və
kaliumla zəngin bir meyvədir.
6)Qovun: 100 qram qovun təxminən 20 mq C vitamini ehtiva edir. Bu nisbət gündəlik
ehtiyacın yalnız 33 faizini ödəyir. Yay aylarının dadlı meyvəsi olan qovun A
vitamini, kalium, mis və fol turşusu ilə yanaşı, C vitamini ilə də zəngindir.
7)Qaragilə: Qaragilə C və E vitaminləri, lif, kalium, fol turşusu və dəmirlə zəngin
bir meyvədir. 100 qram qaragilə 30 mq C vitamini ehtiva edir. Bu nisbət gündəlik
ehtiyacın 50 faizini ödəyir.
8)Qara Qarağat: Qara qarağat C vitamini ilə
yanaşı, kalium, fosfor və dəmirlə də zəngin meyvədir. 100 qram qara qarağatın tərkibində
23 mq C vitamini var.
9)Çiyələk: 100 qram çiyələkdə 65 mq C vitamini var. Bu nisbət bir yetkinin qəbul etməli
olduğu gündəlik C vitamini miqdarından artıqdır.
10)Ananas:
100 qram ananasda təxminən 48 mq C vitamini var. Bu nisbət gündəlik
ehtiyacın 80 faizini ödəyir. Karbohidratlar, A vitamini, kalium, kalsium və dəmirlə
zəngindir.
11)Manqo:
100 qram manqonun tərkibində 36 mq C vitamini var. Bu nisbət gündəlik C
vitamini ehtiyacının yüzdə 60-ını qarşılayır. C vitamini ilə yanaşı, manqo A
vitamini, fol turşusu, lif və kaliumla zəngindir.
12)İtburnu:
100 qram itburnunda 426 mq C vitamini var. Bu nisbət bir yetkinin gündəlik
ehtiyac duyduğu C vitamininin 7 qatına bərabərdir. İtburnunun tərkibində C
vitamini ilə yanaşı A vitamini, kalium, maqnezium, kalsium və fosfor da var.
Səbinə
Qlobal.net
22
