Bədəndə oksigen daşınması, enerji istehsalı və zülal sintezi kimi müxtəlif
vəzifələrdə rol oynayan dəmir elementi bir çox metabolik fəaliyyətin həyata
keçirilməsində çox əhəmiyyətli bir yerə malikdir.
Qlobal.net bildirir ki, dəmir çatışmazlığı adlanan xəstəlik bədəninizdə kifayət qədər
dəmir mineralı olmadığı zaman meydana gəlir; qırmızı qan hüceyrələrinin sayını
azaldır; Müxtəlif əlamətlərlə özünü göstərən xəstəlikdir. Dəmir çatışmazlığının
digər adları qansızlıq və ya anemiyadır.
Dəmir çatışmazlığının əlamətləri hansılardır?
1)Dəmir çatışmazlığı ilə dəri solğun və yorğun görünür, saç tökülməsi, dəri
quruluğu kimi problemlər çoxalır.
2)Dırnaqlarda “qaşıq dırnaq” adlı deformasiya yarana bilər.
3)Saç tökülməsi və cansız saçlar dəmir çatışmazlığının əlamətləri
arasındadır.
4)Dayaq-hərəkət sistemində zəiflik və sürətli yorğunluq, halsızlıq şikayətləri
müşahidə edilir.
5)Ürəyin tək vuruşda vurduğu qanın miqdarı artır və bu, nəbzin lazım
olduğundan çox tez döyünməsinə səbəb olur və ürək döyüntüsü hissinə səbəb olur.
6)Körpələrdə iştahsızlıq, udma çətinliyi və yad əşyalar yemək istəyi kimi
müxtəlif qidalanma problemləri yarana bilər.
7)İmmunitet sistemi zəifləyir və insan infeksiyalara qarşı daha həssas olur.
8)Xüsusilə erkən mərhələlərdə dəmir çatışmazlığı baş ağrısı və başgicəllənməyə
və həyat keyfiyyətinin əhəmiyyətli dərəcədə azalmasına səbəb olur.
9)Yorğunluqdan huşunu itirmə və gözün qaralması ola bilər.
10)Daha sonrakı dövrlərdə xüsusilə uşaqlarda yuxu pozğunluğu, diqqət əskikliyi,
öyrənmə çətinliyi, qavrayış funksiyalarının azalması, nevroloji və zehni
inkişafın ləngiməsi və davranış pozğunluqları kimi müxtəlif problemlər ortaya
çıxır.
Dəmir çatışmazlığı uşaqların xüsusilə inkişaf dövründə sağlam inkişafına
mane olan, yetkinlik dövründə müxtəlif pozğunluqlara səbəb ola bilən
problemdir.
Səbinə
Qlobal.net
377
