Ümumdünya Səhiyyə Təşkilatı (ÜST) gündə ən azı 5 dəfə tərəvəz və meyvə qəbul etməyi tövsiyə edir.
ABŞ-da aparılan bir araşdırma ilə dünyada ən faydalı tərəvəzlərin hansı olduğu müəyyən edilib. Siyahıda zəngin lif qaynağı olan və tərkibində kalsium, zülal, A, B12 və D vitaminləri olan, sağlamlığa böyük fayda verən tərəvəzlər var.
Qlobal.net xəbər verir ki, ABŞ-nin Uilliam Paterson Universiteti qida dəyərinə görə 41 tərəvəz və meyvəni sıralayıb. Vəzəri lif, kalium, zülal, kalsium, B12, A və D vitaminləri baxımından digər göyərtiləri qabaqlayır.
Vəzəri 100-dən 100 bal alaraq ən faydalı tərəvəz seçilib. Ən faydalı tərəvəzlərdən biri olan vəzəri mineralları sayəsində qadınlarda menstruasiya dövrünü tənzimləyir. Bol miqdarda dəmir və zülal ehtiva etdiyi üçün ana südünü artırır. Yenə də bir çox mütəxəssislər analara doğuşdan sonra bol miqdarda vəzəri istehlak etməyi tövsiyə edirlər.
Qanı və bağırsaqları təmizləyir
Vəzəri istehlakı bədəndəki çirkli qadının təmizlənməsinə kömək edir. Həzm sisteminin işində də təsirlidir və qəbizlik problemini aradanq qaldırır. Qısa müddətdə qəbizlik problemindən xilas olmaq üçün vəzəri istehlakına başlaya bilərsiniz. Vəzəri toxumu və balı qarışdıraraq hazırlanan dərman dizenteriyanın müalicəsində çox təsirlidir. Bağırsaqları hərəkətə gətirən vəzəri onları təmizləyir.
Xərçəng hüceyrələrini məhv edir
Vəzəri toxumlarında, xərçəng hüceyrələri ilə mübarizə aparmaq üçün effektiv antioksidantlar var. Bu antioksidantlar eyni zamanda toxumalarda xərçəng hüceyrələrinin dağıdıcı təsirlərini azaldır.
Ciyərləri təmizləyir
Tərkibindəki toksinlərin aradan qaldırılmasına kömək edərək qaraciyərin funksiyasını artırır. Buna görə siqaretdən imtina etdikdən sonra ondan mütəmadi olaraq yemək yaxşı olar.
Öskürək, bronxit və asma xəstəlikləri üçün xeyirlidir
Vəzəri öskürək, bronxit və astma kimi sağlamlıq problemlərinin müalicəsində də istifadə edilə bilər. Nəfəs darlığına da yaxşı gəlir. Şiddətli öskürəyi aradan qaldırmağa kömək edir. (BAKU.WS )
460
