Bakının Nərimanov rayonu ərazisində yerləşən məşhur “Şuşa” restoranı və ətrafındakı bir sıra obyektlər sökülür.

“Qafqazinfo”nun məlumatına görə, sökülən ərazidə böyük layihə gerçəkləşdiriləcək.

Bu, ADA Universitetinin baş planı əsasında həyata keçiriləcək.

Bundan başqa, Bakı Şəhər İcra Hakimiyyəti tərəfindən ərazidə yerləşən Şəhriyar parkında da yenidənqurma işləri aparılacaq. Parkın yay aylarında sakinlərin istifadəsinə veriləcəyi gözlənilir. Bundan əvvəl şəxsi məqsədlərə görə istifadə edilən park ərazisində həm böyüklərin, həm də uşaqların əyləncəli vaxt keçirməsi üçün bütün imkanlar yaradılacaq.

Eyni zamanda, ADA universitetinin kampusunda yerləşən və öncədən təməli qoyulan İtaliya-Azərbaycan Universiteti də burada fəaliyyət göstərəcək. Əldə etdiyimiz məlumata görə, universitetin inşası yekunlaşmaq üzrədir və təmir işləri aparılır. Bu il ali təhsil ocağının açılış mərasimi keçiriləcək.

Layihədə 4 nömrəli şəhər poliklinikasının da tarixi binasının bərpası nəzərdə tutulub. Firidun bəy Köçərli adına Respublika Uşaq Kitabxanasının da Şəhriyar Parkına köçürülməsi təklif olunur.