Bakıda zəncirvari qəza olub.
Qlobal.net xəbər verir ki, hadisə oktyabrın 29-da Binəqədi şossesi ilə Zəngəzur küçəsinin kəsişməsində qeydə alınıb.
Mehdiyev Əkbər Ağamalı oğlu idarə etdiyi "Karsan" markalı avtobusla işıqforun qırmızı işığında dayanmadan keçib və nəticədə yaşıl işıqda hərəkətə başlayan "Opel Corsa"nı vurub. "Opel Corsa" isə "Changan" və "Hyundai Santa Fe" markalı avtomobillərə çırpılıb.
Nəticədə "Changan"ın sürücüsü Orucov Babək Tofiq oğlu xəsarət alıb. "Opel"in sürücüsü Əyyubov Azər Mirzəxan oğlu və sərnişini Məmmədov Cavid Mahir oğlu isə hadisə yerində ölüblər.
Faktla bağlı cinayət işi başlanıb.
