Bu gün səhər saatlarında Bakı Metropolitenində problem yaranıb. Metropolitenin “Azadlıq Prospekti” stansiyasında qatarın uzunmüddətli gecikməsi baş verib.

Qlobal.net Yenisabah.az-a istinadla xəbər verir ki, saat 08:33 və 08:45 arasında metronun 10 dəqiqədən daha çox intervalla gecikməsi müşahidə olunub. Gecikmə stansiyalarda insan izdihamı və qatarlarda sıxlıq yaradıb.

Metroda baş verən ləngimənin səbəbi isə məlum deyil. Məsələ ilə bağlı metropolitendən hələlik heç bir açıqlama verilməyib.