B12 vitamini bədənin sağlam işləməsi üçün lazım olan vacib bir vitamindir.
Sinirləri qorumağa və düzgün işləməyə kömək edir. Anemiyanın qarşısını almaq lazımdır.
Qlobal.net bildirir ki, B12 çatışmazlığı halsızlıq, yorğunluq, unutqanlıq, qan
azlığı, əl və ayaqlarda karıncalanma kimi simptomlara səbəb ola bilər. B12
çatışmazlığının qarşısını almaq üçün B12 ilə zəngin və güclü qidalar qəbul edə
bilərsiniz.
1)KƏSMİK:
Kəsmik bağırsaq sağlamlığına faydalı olmaqla yanaşı, B12 vitamini təmin
edir. Probiotiklə zəngin kəsmik həzmi və B12-nin udulmasını yaxşılaşdırır.
Naharla istehlak edilməsi faydalıdır. Şəkərli yoqurtlardan çəkinmək tövsiyə
olunur.
2)BANAN:
Bananlar bağırsaq sağlamlığını dəstəkləyir, bu da dolayı yolla B12-nin
udulmasına kömək edir. Onlar həmçinin enerji səviyyələrini yaxşılaşdırmaq üçün
B12 ilə işləyən B6 vitamini ilə zəngindirlər.
3)YUMURTA:
Yumurta ən güclü protein və B12 qaynaqlarından biridir. Xüsusilə yumurta
sarısı B12 vitamininin yaxşı mənbəyidir. Yumurta sarısında olan B12 vitamini
daha asan mənimsənilir. Yumurta istehlak edərkən yalnız ağını ayırıb yemək əvəzinə
həm ağını, həm də sarısını yeyin.
4)BALIQ:
Omeqa-3 ilə zəngin balıqlar da B12-nin zəngin mənbəyidir. Omeqa 3 mənbəyi
olan balıq iltihabı azaltmaqda və ürək sağlamlığını yaxşılaşdırmaqda böyük rol
oynayır. Qidalardan B12 vitamini alarkən, hər birini daha balanslı və məhdud
miqdarda istehlak etmək məqsədəuyğun olardı.
5)QIRMIZI ƏT:
Mal əti və quzu əti B12 vitamini ilə zəngindir. Yenə də B12 bu heyvanların
qaraciyərində yüksək miqdarda olur. Bununla belə, qan yağlarının artması riski
səbəbindən qırmızı ət istehlakı orta və son dərəcə məhdud olmalıdır. Əks halda
ürək-damar problemləri yarana bilər.
6)İÇALAT:
Beyin, böyrək və digər içalatlar B12 vitamini baxımından zəngindir, lakin
yüksək xolesterin ehtiva edir. Məsələn, 100 q mal beyni günlük xolesterol
ehtiyacının 10 qatını təmin edir, buna görə tez-tez istehlak edilməməlidir.
7)SÜD MƏHSULLARI:
Kefir, qatıq və süd B12 və zülal baxımından zəngindir. Araşdırmalara görə,
orqanizm bu qidalardakı B12-ni ət və yumurtadakından daha yaxşı mənimsəyir. Süd
məhsulları həmçinin kalsium, A, D vitamini, sink, kalium və xolin mənbəyidir.
Səbinə
Qlobal.net
62
